合作企劃

2019年4月14日星期日

快遊台北 (三) 程味珍滷肉飯 • 滷味人生


去台北,唔少朋友都鍾意食滷肉飯,呢間「程味珍」真係就嚟香港遊客多過當地人,有時人多到要坐到出街。






滷肉飯和滷味店在當地周邊都有,真係總有一間喺左近,當然很多是一味得個鹹字。




40多年老店程味珍」之前已經寫過,私心推介,可參考相關舊文。因為它近我住的酒店,開得夜,嘢食好味又唔貴,我幾乎每日都會去放低銀両,探一探各位程大媽 XD



入門口就是一盤盤滷味:豬耳、豆腐、雞脾、雞翼、鴨腎、豬大腸、甜不辣、蘿蔔,見到都開心。。。



拿起旁邊的鉗和碗,食幾多夾幾多,交給程大媽磅重就知道合共價錢。程大媽會淥一淥滷味,就可以上桌。這自由配搭的玩法,豐儉由人,啱晒心多多的朋友,可以一次過試多款食物,而且夾幾多磅幾多,也貨真價實。



它們的蘿蔔清甜無渣,喜歡食蘿蔔的朋友一定要點。咁程大媽們有時也很有性格,例如蘿蔔非常大碌,想叫佢切半條,佢會⋯⋯⋯⋯拒絕,一係你就成碌要哂啦,冇得傾:



這個位我明白。咁多滷味,如果樣樣每個人都話要切啲啲,咁咪好麻煩,份量太少又難計錢,所以我十分尊重程大媽的決定,好,我就成嚿要晒:



當日堂食點了蘿蔔、豬大腸、甜不辣、炸腐皮:





計埋滷肉飯,對我來講是會一餐被 KO,太飽了。我見坐隔離枱係香港人,我就走埋去問佢哋介唔介意一齊開心 share,佢哋話冇所謂,咁就一家便宜兩家着,兩枱加埋勁多滷味,又唔怕勉強食晒嚿大蘿蔔。可能嚟到呢處,食客都是很愉快的旅遊心情,我覺得可以稱呢度做「開心食堂」啊!





(以下價錢以台幣計算,換做港幣大約÷3.8)

小「滷肉飯」才 TW$30。此滷肉飯明顯較香,無咁油膩,面帶油光,不會一股死鹹:



除返港紙才幾蚊一碗,真係早、午、晚、宵夜食佢都得:



滷水汁,一定是此老店的靈魂,令各滷物喚然一新:



滷豬耳」、「滷豆腐」,前者軟骨好咬口,後者就索盡滷水香:


滷豬皮



滷海帶



兩者都帶膠質感,尤其前者。凍食「撻成一塊」,經過熱滷水的洗禮,就變得 Q 彈。

食物好,收費不貴,營業時間開至半夜四點半 / 五點,也方便宵夜:



有時口痕,就買回酒店吃,食完又係好開心,滷味人生 XD







在此再說一次,因為仍有收到有讀者問如何在此外賣淨滷肉。它有 TW$350 一袋的「程味磚」(呢個名我改的,可能你同佢講程大媽會唔明,你乾脆同佢講「淨滷肉」就可以)。



大家可以在回程的一天,先去付款買一份,然後請程大媽將它放入冰格雪硬,記得拿走取貨單。之後回來,憑單領取「程味磚」,放入行李袋裏寄倉就行。做手信又得,或者自用,回家後放入雪櫃,想吃滷肉飯時,弄點出來撈飯,堅係美好!!!



我一路睇返啲相,一路寫呢篇文,越寫越肚餓。。。結論:係時候飛番一轉!






追蹤我的台灣遊記:

快遊台北 (二) 潮人蒲點:老油條與小鮮蝦的邂逅

快遊台北 (一) 一年去四次做乜?/ 我在台北之日常






2017-11-17 古早味滷肉飯 - 程味珍

2017-11-13 肥前屋鰻魚飯 

2017-05-31 鐵路便當篇

2017-05-24 和季風燒麻辣火鍋

2017-05-11 牛公館牛肉麵

2015-09-01 三間高雄不可錯過,又不超過台幣$100 (約 HK$25) 的地道美食

2015-08-11 高雄 50年老店,小園割烹壽司

2015-07-29 第七屆高雄啤酒節

2015-07-23  高雄 吳寶春麵店 / 丹丹漢堡

2015-01-05 分享第一次帶台北美食團 (三) - 超正斗滋味早餐!

2014-12-26 分享第一次帶台北美食團 (二) - 超抵吃麻辣火鍋!

2014-12-17 分享第一次帶台北美食團 (一) - 七條龍燒肉

2014-04-29 街頭小吃大放送

2014-04-23 北馥樓的日與夜

2014-04-15 探三叔公 / 古井家常私房菜

2014-04-11 台中的外國風情

2014-04-09 親親鵝兒 / 鵝肉!

2014-04-04 品嚐古早味牛肉湯 / 馬賽鮑魚湯

2014-04-03 席前鐵板燒 / 高雄農家菜

2014-04-02 早安,晨之美!

2012-04-07 周杰倫的餐廳 - Deja Vu

2012-04-06 潮人酒店 - 意舍

2012-04-05 貓空茶園吃早餐




「程味珍意麵滷味」
地址:台北市萬華區西寧南路63號‎
電話:(886) 02-2388 5268
營業時間:9:30am - 4:30am (週五、週六至凌晨 5:00am)





若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...