龍少爺 : 《港台節目》開心日報

2019年4月16日星期二

分享一下剛剛在 RTHK 1 開咪做的「開心日報」，今集拍檔有超人、Ada、桂林哥，主題是「創意素食西餐」。

今回我帶了些小手信零食給大家淺嚐，是同事之前去日本旅行帶來的「紫番薯乾片」，多謝 Ada 咳緊都有同我哋一齊食 XD

一開題，Ada 話創意素食在中餐會比較多，例如她去過新加坡吃過中式素豬扒，素牛肉，真係好神似。其實也對的，通常在西餐廳吃素，正常離不開蔬菜、沙律、水果、菇菌意粉之類，多是天然食材，比較少很 fancy 的。

今次介紹呢間西餐廳在中環，開店的是香港人，就有少少突破這個框框。例如我第一道菜「炸魚薯條」，通常去倫敦旅行都會食：

看樣子與一般的無異，有兩大塊炸魚柳、薯條、他他醬、豆蓉。其實那魚柳是⋯⋯⋯⋯香蕉花蕾，桂林哥猜對了！

超人問，感覺似唔似真魚？我覺得個 texture 係幾似。侍應透露廚師曾經考慮用不同材料去做此素炸魚，最後就用了香蕉花。

查實香蕉花的食療功效可以治高血壓、利尿、通便，唔少東南亞地方的朋友會用香蕉花來炒肉絲或滾湯，我們香港就比較少見這有益的食材。

跟住的一個「素北京填鴨pizza」，大家聽到後都有些嘖嘖稱奇：

它是用北京填鴨醬代替茄汁塗在餅底，面頭放炸過的西式麵筋當做北京填鴨，再加上青瓜條及中國芫荽，味道相當神似，這個不得不佩服廚師的創意：

近年很多餐廳也推廣「素肉漢堡包」。我記得十年八載前，一般西餐廳會用炸了的大蘑菇扮漢堡扒。時至今日，科技進步，素肉漢堡扒已用植物蛋白質及鐵質血紅素抽出來合成，吃下去甚至有血絲及新鮮肉的感覺。

節目中我問了各位拍檔一個問題，「吃素」和「食齋」有甚麼分別？其實前者是不吃肉，而後者會戒吃五辛，即蔥、大蒜、蒜頭、洋蔥及韭菜，因為這些在宗教上算係壯陽和重口味的食物，會容易令人情緒激動。。。我問超人會唔會食咗韭菜餃會容易激動，大家想唔想知佢點答？好搞笑的 XD

最後介紹了杯紅酒。紅酒雖是以葡萄釀製，但原來不一定是素的，我自己和各位拍檔都以為一定係齋：

原來製酒的其中一個步驟是 Fining，會加入魚膠或蛋白等物質，去除酒中的雜質，令酒不會混濁，賣相更加靚仔。而我飲這一杯，就是能供素食者飲用，顏色雖較混濁，味道卻沒大分別，這個真係長知識！

今集仲有區瑞強上來宣傳嚟緊演唱會，Ada 在節目最尾播了他的「相識在童年」，好聽，也祝 Albert 演唱會大成功 !

好喇，今集分享到此為止，嚟緊會繼續努力發掘多啲有趣飲食和大家分享。復活節假期，最好就係聽節目重溫啦：

大家繼續多多支持 FM92.6-94.4 RTHK 1 ，逢星期一至五，朝朝十點四，「開心日報」，下集見！👋🏻

若你喜歡此部落格，也請你 like 一 like，感激！