合作企劃

2019年4月21日星期日

無味精,有雞粉?住家菜


無味精,有雞粉。
無頭髮,有癩痢。
無小三,有偷食。

大家點睇?




現在有很多餐廳都標榜無落味精。當然,醬料及調味料其實同出一轍,吃得多也是沒有甚麼益處。



住家菜」主打屋企餸,不落味精,價錢大眾化。以前都有幫襯開銅鑼灣分店,晚市客飯有湯有餸有白飯,一個人食啱啱好。



今次來尖沙咀分店,人數夠一圍,可以叫多幾個餸。



真實對白。我問個侍應啊姨啲餸係咪無落味精,佢半搞 gag 咁坦白快答:「無味精。。。不過有雞粉。」我個刻忍唔住笑咗出來 XD



我個人覺得若不是狂落雞粉的話,倒是無傷大雅,因為此餐廳也奉行少鹽少糖,算是走健康派。整體係淡味少少,大部分小菜卻都做得不俗。

先來「老火湯」$55 / 煲


今天得到「蘋果雪梨煲豬骨」,一看就知對板,沒揸流攤:



湯渣甚多,味道清甜,確甚有住家湯 feel。而且一煲賣這個價錢,份量有比我想像中多 (你預8至10個人,每人一個飯碗左右的份量),除開價錢也不貴,呢個真係出街飲好過自己煲。



這晚店方「無排骨,有糖醋」,所以無得食「糖醋排骨」。叫了兩碟豬扒。「蜜糖豬扒」$78



椒鹽豬扒」$78



前者明顯較優勝,我覺得是味道較有新鮮感,似燒嘢食的豬扒塗上蜜糖,這個在家可以照做。

要事先預訂的「阿嫲雞」$220 / 隻



即是沙薑雞,是餐廳比較貴的項目。一隻夠12人分。肉係幾滑,沙薑調味也沒過火,多人的話,值得點。

黑椒牛柳」$85



以下呢兩味蝦,其實在家裏比較少自己做,勉強不能算做「住家菜」啦,自己做也有些難度。「咕嚕蝦球」$108



蟹子黃金蝦」$108



兩個我都沒吃到,前者搶不到,後者非我所好。最終淺嚐了前者的生果配料,有火龍果粒、青提子,汁料對辦。

粟米斑塊」$88,這個我就不建議點,與一般茶餐廳質素無異。除非你好想飲忌廉粟米湯,否則有選擇之下可選其它小菜:



我媽在家成日煮的「翠玉瓜炒雜菌」$75



叫咗兩味金銀蛋。「三色蒸水蛋」$72



金銀蛋白菜仔」$75



之前有說過,由細到大我都不喜歡吃金銀蛋,唔知邊個發明。。。不過說真,那蒸滑水蛋配甜豉油,味道不錯 (調味也實在沒有失手的理由),蛋的表面也沒有蒸到像月球般凹凸生晒暗瘡咁。

脆香琵琶豆腐」$78,賣相與我想像中有些距離?!質感似薯仔波,即葡國菜炸馬介休球那種,個人感覺有些怪,獻汁是有色無味:



XO 醬花支片」$88



鹹魚茸煎肉餅」$85,呢個做得好:



梅香鹹魚蒸熟拆肉,混上半肥瘦豬肉煎成肉餅,沒有多餘調味,主要用鹹魚吊味,熱辣辣不油膩,夠香口,送飯、送酒均不錯。

㰖菜肉鬆四季豆」$78



蛋白蟹肉扒西蘭花」$88,呢個真係少糖少鹽健康菜式的模範,灼西蘭花每件都非常大碌!On diet 人士食呢碟,相信已可夠飽,有纖維又有蛋白質:



我選了「鮑魚雞粒竹筒飯」$85



泰式蝦醬炒飯」$75,蝦醬可以重手返少少:



店方最後送了「紅豆沙」,埋單人均 $150。晚餐來說很合理,也適合一家人或一班朋友來吃飯,係幾開心同有住家 Feel 的。




「住家菜 Home Feel」
地址:尖沙咀柯士甸道122號麗斯中心地下高層
電話:3105 0515
營業時間:11:30-15:00, 18:00-22:00




若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...