四圍貢吃未試過的餐廳出品，去到海港城的中餐廳「紅舍 Red House」，前舖仍是「KEW+」賣蛋糕，位置再前身是英國廚師 Jamie Oliver 的「Jamie's Italian」，仲記得當時餐廳落戶香港也引起過一些熱潮，可惜跟住關門大吉。
後續餐廳「紅舍 Red House」屬於 Gaia Group 飲食集團，旗下的「Gaia Ristorante」、IFC 「Isola」、「Joia」、「Va Bene Italiano」、「Glasshouse」、灰狗「Greyhound」、「海陽•居酒屋」、「月山」、「二郎拉麵」、「王家沙」、「金枝玉葉」等等等等⋯大家未幫襯過都應該會有聽過。
「紅舍 Red House」主打吃中菜，京、川、滬、粵式乜都有，有套餐亦可散點，有上海小籠包、燒賣、椒鹽鮮魷、又有豉油王炒麵等，個飲食光譜都幾寬闊。。。遇到這些餐廳其實最怕選擇多不過無樣精，let’s see 出品如何。
餐廳環境仍然有用上「Jamie's Italian」遺留下來的硬件，例如吧枱。設計則以紅色為主調，掛滿大大小小紅燈籠，個人感覺是有點兒「娘」。。。露台出面有保留戶外座位，不過當日就沒有開放。
有點兒令我 confused 的是店舖入口仍然是「KEW+」，在賣蛋糕西餅西式下午茶，座位上卻與裏面中餐廳共享，感覺有點兒雜亂，餐牌又有兩套，食物口味又大纜都扯唔埋，我覺得硬件同定位可以再做好啲？可能而家係交接期 (? !)
這裏中菜午市套餐 HK$108 + 10%，前菜二揀一，可以要燉湯或者「涼菜三小碟」，也可 top up 加錢兩者兼得。侍應說三小碟是隨機不一樣的，我們就要求兩份不一樣的，侍應姨姨也很好人說OK，那就看看是什麼料子吧！另外加了一個「鮮菜肉上海雲吞」HK$68 三人互相分享。
第一份前菜「蒜蓉四季豆 / 花雕醉豬手 / 醬燒茄子」
四季豆爽脆清甜，不過蒜蓉落得幾重手，食完「呵氣如蘭」XD
花雕醉豬手我沒有吃，朋友說不錯，花雕酒香入味，膠質豐富，都容易咬開：
醬燒茄子我個人就麻麻，佢用麻辣方法去做跟住雪凍，都係太重口味：
第二份是「四喜烤麩 / 口水雞 /蒜蓉拍青瓜」，比較對我胃口：
涼拌烤麩是經典上海冷盤，由細食到大，這個烤麩做得沒有油膱味，吸滿醬油汁，口感煙韌有咬口，唔錯：
口水雞切得非常大舊雞件，雞肉甚滑，麻辣汁的香辣惹味令冷吃雞肉都不會「味如嚼蠟」，係要小心有碎骨：
蒜蓉拍青瓜清爽脆口，還是欠了「拍」這個程序，蒜蓉又係落得幾重手，配上脆卜卜青瓜件我覺得算幾平衡到件事，比起蒜蓉四季豆更喜歡這個：
主菜選擇甚多，配白飯一碗，那麼主菜就不揀那些炒粉麵飯，選一些比較開胃菜式。「京蔥爆牛肉」
炒得幾有鑊氣，牛肉片甚嫩，京蔥爆炒後帶點焦香。醬汁甚惹味，沒過鹹，蔥段索了醬汁，比牛肉有更好吃：
「老壇酸菜鱸魚」，份量同個碗真係洗面盤咁大，午餐來說揀這個幾抵：
整體酸菜湯底酸辣適中，我覺得廚師有將辣到調低，同埋個湯不油膩，這兩點甚得我歡心：
鱸魚肉質嫩滑，不腥，魚片厚身，美中不足是要小心有細魚骨：
湯汁酸味天然不會死酸，加上辣度溫和，撈飯不錯：
湯入面有大量酸菜、粉條、萵筍片等等，索湯汁精華，以這個價錢真心足料：
「鮮菜肉上海雲吞」
雲吞皮有點厚，餡料就算飽滿，菜肉比例各一半：
整體味道還好，湯裏面有大量紫菜，我覺得是亮點，吊起了湯的鮮味，與一般上海雲吞清醬油湯底不同，令到味道立體化，亦勝在味精感不強：
總結這個價錢在海港城地段來說算合理，涼菜三小碟隨機款式安排有心思，酸菜鱸魚我覺得最抵食同好食，其他出品都比較偏向重口味，食完午飯要開會真係要漱一漱口，喜歡重口味的朋友仔，不妨一試！
「紅舍 Red House」
地址：尖沙咀廣東道5號海港城海洋中心4樓412號舖
電話：3480 6771
營業時間：星期一至日 11:30-22:00
沒有留言:
發佈留言