2011-02-23 焗豬扒飯大比拼

「豬扒」這個醜女代名詞現在已有點 out，「剩女」、「敗犬」、「餘廚」等字眼層出不窮。本少爺其實好鍾意啖豬扒，其實大家又有無諗過塊豬扒嘅感受呢？你用佢的肉去形容一樣醜嘢，隻豬可能會唔開心呀！

豬扒製法層出不窮，煎、焗、吉烈、洋蔥、番茄煮等，大家都由細食到大，龍少爺尤其喜愛焗豬扒飯的熱辣辣及茄汁香。本博今次一於將三間食店的焗豬扒飯來個評分，一較高下吧！

一號佳麗：灣仔 Indie 茶餐廳 (請參考前文「Indie's Choice」)

鮮茄焗牛利意粉一向是這裏的皇牌；換上焗豬扒後，汁料依舊惹味及充滿粟米香，可惜豬扒的肉質略為瘦及乾，只可評為合格。加上飯只是白飯底，有點兒美中不足。

豬扒肉質及味道：2.5/5
醬汁：4/5
飯底：2/5
賣相：3.5/5

總分：12/20




二號佳麗：中環奶油豬茶餐廳 (請參考前文「男人的浪漫」)

這個表現非常不俗，可繼咖哩牛腩飯之後延續男人的浪漫。。。豬扒肉質半肥瘦，非常足料；飯底為蛋炒飯，入口充滿蛋香。面頭焗得金黃的芝士亦令整個焗飯生色不少。整體表現出色！

豬扒肉質及味道：4/5
醬汁：4/5
飯底：4/5
賣相：4/5

總分：16/20




三號佳麗：大xx快餐店

豬扒肉質上乘，肉味亦濃郁，可惜分量少了點。醬汁內加了西芹及洋葱等蔬菜同焗，抵讚，但略嫌太多汁及過酸。炒飯底亦同樣香口。

豬扒肉質及味道：4/5
醬汁：3.5/5
飯底：4/5
賣相：3.5/5

總分：15/20


今次總結是二號佳麗以一個馬鼻稍勝，恭喜哂！美中不足是龍少爺忘記了每個飯的價錢，所以評分未能全面。不過始終都係嗰句：味道第一，價錢第二；好味的話稍為貴些少也是值得的！