合作企劃

2011年2月3日星期四

2011-01-14 跑贏樓市

好耐冇去尖沙咀食飯,一來覺得地點唔就腳,且區內新開的食店亦覺 overpriced。今日尖沙咀的好友們請食飯,一於約定去諾士佛台走一轉,享受露天覓食的快感。



先上的香草焗田螺,一睇就知香味指數爆燈。叮走了薯蓉,換來熱哄哄多士及滿到瀉的香草醬,很不錯吃!








物業,黃金,油價會升值不足為奇,原來豬腿升值能力更高!是晚侍應熱情推介36個月西班牙風腿,盛惠$300,實在有點過份。。。唯有轉戰24個月風腿,盛惠$150,食味當然亦有距離。原來風腿一年可升值100%,跑贏大市!




法式海鮮湯,附上甜椒醬。神奇在加甜椒醬前後的海鮮湯完全兩個食味,同樣精釆!



厚燒香茅帶子併墨魚汁意粉。每次光臨必點 !



全晚高潮所在:黑松露通粉,簡單中見不平凡,價錢貴但非常物有所值。。。叔叔不行了 !!!



最後以甜品心太軟作結,特別在朱古力中混入果仁,心思盡顯。結果安哥了兩碟才擺休。。。再次謝謝好友們 !!!




Related Posts Plugin for WordPress, Blogger...
合作企劃