2011-02-02 開心迎兔團年飯

年三十晚團年飯大家都應該大魚大肉，意頭十足！在此龍少爺先祝各位兔年行大運，萬事勝意！

本少爺在港親戚不算多，亦甚少家庭聚會；平時各人大都在外食飯。難得團年聚首一堂，家常便飯更勝珍飴海味！以下全部自家DIY風味，在此介紹一吓：

四喜烤夫 - 農曆年必備的冷盤，甚考功夫。生烤夫用手撕開 (不可刀切)，落鑊油炸後先用大量廚紙索去油份；再用冬荀，冬菇，金針，雲耳，生抽，老抽，冰糖等等炆煮。記得要事先一日做好，隔夜雪凍更入味！

蘿蔔炆牛筋腩 - 是為首本名菜，真係十個....掂！牛筋腩炆得鬆軟，蘿蔔入味，本少爺攞左一大盒返屋企慢慢食！

蔥燒嫩雞 - 選取街市新鮮雞，配上大量乾蔥及蔥段炆燒，蔥汁撈飯仲惹味過雞肉。。。

西芹炒日本帶子 - 鮮味爆燈

茄汁嘻蝦 - 這個是 standard 的意頭菜；應該99%香港人過年都會食啦！

紹菜炒年糕 - 作爲上海人，一定力撐上海年糕。年糕隔夜生浸，加上大量紹菜同煮，一個字，掂！

青紅蘿蔔煲唐排 - 簡單清潤的湯水

每年的重頭戲 - 自家製作芝麻湯圓。一定要選用在南貨店買的李祥和糯米粉(袋上印有食鐠的)及芝麻料；糯米粉加少量溫水搓開，分成小粒，放入涵料後搓圓，大滾水中煮起浮面即熟。皮薄涵靚，有得食又有得玩！

再祝各位兔年團團圓圓，開開心心啦！