合作企劃

2011年2月3日星期四

2011-01-03 余均益的記憶

蝦餃最緊要係皮薄涵靚,一啖一隻;呢款得獎嘅珍寶蝦餃就做唔到喇!大而無味,我咁大個口都要三啖先食得哂。。。所以幾時都話,唔係一味貪大就好 !


細細個對余均益嘅記憶係大大支放係粥麵檔枱面,個樽口正宗污漕"辣"撻,難登大雅之堂,但配炒麵卻畫龍點睛。。。。估唔到今時今日佢已飛上枝頭,擠身5星級食府枱上!不過今晚佢俾桂林辣椒醬險勝,因為桂林辣醬救左粒蝦餃 !


環保人仕之選 - 肘子菜膽竹笙。魚翅鮑魚冇得留低,一樣好味。讚!


價值 $200 嘅飛天乳豬,四個人分,又係得獎名菜。。。。怪唔得 d 頒獎禮豬肉獎都掙崩頭啦,market prize = market price !


成個餸嘅重點唔係花膠唔係鵝掌唔係厚菇,而係鮑汁。。。。又一 "妹仔大過主人婆" 例子!



Related Posts Plugin for WordPress, Blogger...
合作企劃