終於抽時間去了灣仔的「秋意」吃名物豉油雞飯，去到門口非常旺場，要排差唔多 15 分鐘。
此店由一班90後廚師主理，2021年在觀塘起家，憑招牌去骨豉油雞打出名堂，之後進駐鰂魚涌，再到灣仔，厲害！
店樓高兩層，環境簡潔企理，餐牌貴精不貴多，主打幾款招牌雞飯，包括豉油雞、口水雞、瑤柱貴妃雞。。。等等
我點的「秋意去骨豉油雞飯」 HK$68
豉油雞色澤靚，目測入味，亦的確係。豉油汁是自家製，用本地豉油加台灣醬油，連同十多種香料熬煮而成：
雞是用走地雞，在豉油汁中浸煮至九成半熟，再靠餘溫將雞完全浸熟，肉質很嫩，去晒骨啖啖肉，雞件索滿豉油汁，香濃甘甜，很好下飯：
附上三款小食其中有「酒醉溏心蛋」，唔錯，散叫 HK$8一粒，蛋黃呈流心狀態，淡淡花雕酒香，酒味醇和，作為雞的配菜，有特色又夾到：
反而友人點「蒜辣牛魔王 (牛𦟌+牛舌)」配「濃湯淮山麵」 HK$74，她話牛類比較麻麻。。。所以來到，都係食雞好！
慾擺不能，心思思之後想再吃，再外賣自吃一次「秋意去骨瑤柱貴妃雞」配「濃湯淮山麵」HK$70
濃濃瑤柱雞香撲面而來 :
先講主角貴妃雞，都是得到雞翼連肉的一部份。餐廳因為全用走地雞，雞皮處理得爽而彈牙 (有些像海蜇)，皮下脂肪少，食落完全不膩：
雞肉嫩滑多汁，也很入味，建議完全不用點任何醬汁或蔥油。配合鋪喺面頭很多的瑤柱絲，甚真材實料，瑤柱鹹鮮同雞肉清甜好夾，層次感也豐富：
如果與豉油雞相比，我覺得貴妃雞也不遜色，而且汁裏面的油分更少，喜歡淡雅口味一些的可以選貴妃雞，放心味道絕對一點也不像白切雞，肉確實很鮮甜：
第一次品嚐濃湯淮山麵，個濃雞湯底是全碗麵的重點，用大量雞骨同雞肉長時間熬製，呈奶白色，入口鮮甜濃郁，飲得出沒味精 :
淮山麵條幼身，質地甚滑溜，掛湯力不錯強，每啖都吸飽濃雞湯的鮮味，好快就食到見碗底。。。
整體嚟講，約 HK$70 這價錢，在灣仔地段吃到這個質素，抵食也吃得出製作誠意十足，去骨做法貼心，絕對會再有下次。另外一讚全場不收加一，今時今日算係咁，值得支持 XD
「秋意 Autumn Feeling」
地址：灣仔軒尼詩道44號新基大廈地舖
電話：3614 5706
營業時間：星期一至日 11:30-15:00，17:30-20:30
沒有留言:
發佈留言