2011-02-07 上水風味大排檔
農曆新年4日假期怱怱過去，特區政府也應該好好考慮給周六的公眾假作補假；根本現在各大政府部門，銀行，港交所，大機構等都是五天工作啦，補假給周六也是很理所當然的！學今年香港抽中的籤文話齋:「威人威威不是威」，特區政府你都無乜威信架喇，檢討吓啲政策啦！
為假期最後一天作沖刺，一於相約好友們竹戰台灣麻雀兼開香檳慶祝新年。短短八圈牌眾人共飲了 sparkling rose，chandonny，sparkling red，以及一支爆樽的 sweet champagne，仲要噴到成屋濕哂。無所謂啦，水爲財，好意頭，屋主你今年一定發過兔頭！
原本竹戰過後想去上水某露天大塌地打邊爐，招牌醉雞堝真係又平又絕頂好味。耐何新春休市，未能重溫風味。。。唯有轉戰隔離的上水街市大排檔啦！
一班麻甩坐低後，即刻雪支白酒及叫餸。一看菜譜，小炒打冷燒味西餐泰菜樣樣齊，原來街市的不同食店已聯成一線，任每枱客人隨意互點菜式。呢啲咪叫香港精神囉，互惠互利，無分你我，最緊要大家在新正頭都做多啲生意！
啫啫唐生菜煲 - 上桌時熱辣辣，配上腐乳汁，沒有不好吃的理由啦！
脆皮燒鵝- 屋主推介說燒鵝是這裡的招牌菜，那就來一碟例牌好了。果然皮脆肉嫩，配上酸梅醬，下酒佳品！
黑椒牛仔骨- 這個食味一般啦，牛仔骨的肉質俾鬆肉粉弄得過火了。
泰式明爐酸辣烏頭 - 這個很不錯吃，魚肉滾到最後已與青檸及湯汁融為一體，很醒胃。
蒜子大鱔煲 - 鱔球及蒜子先走油，再用麵豉醬回鑊用煲仔上，正好配合冬天的氣溫！
泰式濕炒河 - 鑊氣取勝。
整體而言，各樣小菜的味道均不俗，只是油膩了點。質素當然比不上北角及跑馬地等星級大排檔啦，但這裡的價錢只是平均約$100位，很划算！清潔程度還可以，麻甩風味都係賣點之一嘛！
沒有留言:
發佈留言