合作企劃
如何提升你的網站效益

2011年9月18日星期日

2011-09-18 千奇百趣怪零食

大家以前細個記唔記得有單恐怖新聞?話唔知邊度有個小朋友,成日收埋啲糖、零食之類喺枕頭底 ;過左一排個小朋友開始頭痛,後尾睇醫生先發現,原來成個腦都喺螞蟻,個腦仲要比啲蟻食左一半!這個童年陰影,搞到以前細個唔敢喺床度食零食。。。

時至今日,零食已是辦公室內不可缺少的點綴。有時無時間食 lunch,零食餅乾簡直是「及時雨」,咁就一餐。以下放在 office 的食品全是由不同人仕瑰增。先謝!

1. 烤尤魚味薯片


唔係好明,點解「Lay's」專鍾意出埋啲奇怪味薯片。以前返大陸見過有青瓜味、檸檬茶味 、藍莓味、杧果味,記憶中食青瓜味薯片好似食緊「喜絲小香菇」咁,成口空氣清新劑味。。。這次收到的「烤尤魚味」薯片是由泰國空運到港的手信,外型味道皆像真,不錯!


2. 日清小學雞即食麵


也是由東京空運到港。記得以前是「小學雞」時,超愛吃「福麵」當零食,仲要成包味粉落哂,最後嗰啖真接倒哂入口,鹹爆!當堂爽到成晚唔使食飯。這個「日清小學雞即食麵」,沖水又得,齋食又得;看似大兜,其實細兜,幾啖食哂!味道與「童星點心麵」無兩樣。




3. Wii 糖





收到這個真係大吉利是,成個死人紙紮玩具咁,真係多謝哂玩嘢嘅某人 !!! 啲糖怪味,食完成條利染哂色,唔好食又唔好玩。Sorry 掉咗!


4. 鮮菇餅






台灣的手信。這餅不是餅,其實是烘乾了的秀珍菇,鹹鹹脆脆。點解啲秀珍菇會咁。。。長嘅 ?!

5. 北京二鍋頭,英國薑啤



有無人可告知「二鍋頭」應該點飲?未飲過。係咪好似 volka 咁溝 lime  juice 變 「volka lime」 ?下星期試下在公司溝杯「鍋偷 lime」先。

星期天在此封筆。明天繼續!

伸延閱讀:着裙着涼鞋的米奇老鼠話梅  (純粹助慶)







沒有留言:

發佈留言

Related Posts Plugin for WordPress, Blogger...