同好友 C 小姐食晏，挑了銅鑼灣柏寧酒店地下「Ebb & Flow」大堂酒廊，大家都就腳，又就到時間，perfect !
相信唔少朋友仔都去過此餐廳，無記錯我上次來是吃下午茶。
餐廳名「Ebb & Flow」解作「潮汐漲退」，寓意由日到夜、不斷流轉的餐飲體驗，幾有意景。
其實「柏寧酒店」由1970年代開業，算是老牌酒店之一，前幾年做過翻新，「Ebb & Flow」就是由本地著名建築師林偉團隊操刀，用大理石、磚石、銅素材造的家具，襯托出摩登時尚感，也的確做得到。
落地玻璃引入自然光，空間感甚開揚。裝修走簡約路線，燈光柔和，座位之間距離夠闊，傾計坐得舒服。牆上掛有不同藝術作品，定期亦會有畫展，成個空間結合藝術和餐飲，可算是鬧市中難得的靜謐角落。
中午套餐一個價錢有前菜、主菜、飲品，另外可以單點其他菜式，今回我和 C 小姐各一互相分享。
前菜「Health Rainbow Fruit Salad」
健康彩虹水果沙律 - 有田園菜葉，草莓、藍莓、芒果、長青豆、小紅蘿蔔、脆杏仁片、酸柑油醋醬
色彩繽紛的沙律，芒果同莓子都新鮮，酸甜純自然；長青豆和小紅蘿蔔切得幼細，爽脆有咬口：
酸柑油醋醬調得不錯，稍偏酸，輕盈得來帶出蔬果菜的清新，作為開胃菜仲要自稱「健康」，此沙律做得非常稱職，raw foods 簡單又好食：
Set lunch 之主菜「Risotto Alla Carbonara」HK$248
卡邦尼意大利燴飯 - 煙燻豬腩肉、洋蔥、蛋黃、巴馬臣芝士、平葉蕃茜
將傳統卡邦尼意粉元素轉化為意大利燴飯。飯粒煮得剛好，Al dente :
煙燻豬腩肉切粒，煎到焦香，油脂滲入飯粒中。蛋黃同巴馬臣芝士拌勻後，令燴飯質地變濃稠 creamy，鹹香突出沒過膩：
這道燴飯做到卡邦尼應有的濃郁韻味，個人覺得很不錯：
單點另一意大利主菜「Shrimp Spaghetti with Lobster Oil」HK$238
龍蝦油鮮蝦意大利麵 - 伴紅蔥頭、芝麻葉、巴馬臣芝士、牛油
不諱言這意粉有少少失望。賣相靚仔，有數隻蝦肉，算爽口彈牙，可惜成個意粉調味實在太淡，龍蝦油的香氣不夠突出，牛油與芝士的鹹香都偏弱，整體味道平板，欠缺層次：
可能大廚為了保持龍蝦油的原味而刻意輕手，結果係淡到有啲寡口。。。如果你鍾意清淡口味還可以一試，否則以這午市單點價錢可以有更多的選擇：
我的餐飲「Black Coffee」，C 小姐散點了杯「Flat White」 (忘記影相）
點餐時侍應有介紹這裏咖啡是餐廳用本地新鮮烘焙單產地精品咖啡豆沖泡，有時黑咖啡也有不同產地主打，我這杯甚醇厚，嘆住咖啡傾偈，又有一個中午：
「Ebb & Flow」環境同服務都好，是個適合慢慢食傾計的地方。午市套餐在這黃金地段及酒店價錢來說屬於合理，會再來幫襯支持，享受在繁忙工作中的一片自製空間，感覺滿心間，自覺燦爛 ！(有無人記得最尾呢幾句係邊首廣東歌的歌詞呢？XD ）
「Ebb & Flow」
地址：銅鑼灣告士打道310號柏寧酒店地下大堂
電話：2839 3377
營業時間：09:00 - 22:00
沒有留言:
發佈留言