《慶生飯》木系咖啡餐廳 - 不苦 buff

又一年的生日飯！🎂 今次主角係港台 DJ好友聲爺 @Singau ，選擇了鰂魚涌這間木系 Cafe 餐廳叫「不苦 buff」。

中午這裏不能訂座，自行取位，所以當日我早點來，也和侍應傾了幾句。「不苦 buff」店名幾特別，理念也有些意思。「不苦」是希望人客踏入餐廳可以暫時放下生活壓力，好好享受當下；另外「不苦」是英文「buffer」的諧音，寓意給大家一個緩衝和重新出發，甚正能量！

木框玻璃門內裝環以原木家具為主調，燈光柔和，氛圍自然樸實，帶少少日系風格：

餐廳主打西日式料理及自家製甜品，還有供應本地烘焙咖啡豆出品的咖啡，每個月會有不同產地特別單品豆選擇，相信愛嘆啡的朋友仔應該會喜歡。

當日點了兩個主菜互相分享：

「Seared Hokkaido Flounder & Black Tobiko Risotto」HK$148

火炙左口魚黑蟹籽柚子汁燉飯

壽星揀這個個燉飯，非常好食！上枱賣相幾靚仔，飯面鋪滿火炙過的左口魚裙邊，加黑色蟹籽中間分野及木魚：

我們一致讚賞它的柚子汁調味！左口魚經過火炙，魚油逼了出來，油滋滋帶焦香，肉質軟滑：蟹籽咬落卜卜脆增添口感：

柚子汁堅 • 劃龍點睛，一丁點清酸平𧗽魚油的油膩感，食落比一般忌廉底 risotto 輕盈，意大利飯質地亦做得剛好，推薦啊！

「U.S.Angus Hanger Steak Mafalda」HK$138

蒜香安格斯封門柳波浪闊麵

封門柳是牛橫膈膜附近的肌肉，一向肉味濃郁而且軟嫩，而且越多來越多餐廳用它入饌：

這封門柳切得甚厚薄適中，煎到表面微焦，入口軟腍保持肉汁，無筋：

波浪闊麵質地煮得比較有咬口及煙韌，表面沾汁力不錯：

醬汁以蒜香、茄汁加少許黑胡椒作基底，不會太濃太搶，簡單襯托牛肉的原味，都好吃：

「Americano」每主菜 + HK$18

點咖啡除了伴主食，也是用來配以下的項目 XD  生日甜品「Pistachio Cheesecake」HK$68，開心果芝士蛋糕，女侍應知道是用來慶祝生日，即刻入去給我們安排免運的生日蠟燭，十分親切：

誠心許願：

此芝士蛋糕質地極滑，不會太硬實，芝士味鹹香突出，淡淡開心果果仁香味，兩者平衡得很好，不會太膩，旁邊還灑有開心果碎在忌廉上，食落雙重口感，蠻有驚喜：

整體今餐食物質素不俗，各項都做到應有的水準，尤其左口魚 Risotto，個人大推！環境因為中午飯時間坐位有少許擠迫，真要早點來取位，不過瑕不掩愈，好食先多人嘛。希望壽星滿意這一餐，祝佢節目「旅遊樂園」收聽率節節上升 ，嚟緊 adventure 之旅影多啲靚相，當然仲有心想事成，身體健康！

今次餐廳名字叫「不苦」，我們大家都要記住活在當下，生活忘憂而不苦 😊

「不苦 buff」

地址：鰂魚涌海光街7-9號龍景大廈地下6號舖

電話：6019 2218

營業時間：星期一至日 09:00 - 21:00

若你喜歡此部落格，也請你 like 一 like 和 follow，感激！

https://www.facebook.com/siuyeahdragon