龍少爺 : 糧尾之光茫 (一) 炸片頭黑豉油撈粗

2018年7月23日星期一

嗱，講得出做得到，做個找數真漢子。之前到尖沙咀「雞記潮州麵食」，食到好吃炸墨魚餅和魚蛋粉 (相關舊文)，說會返兜，這次就「再戰雞記」。上次沒吃炸片頭，被網友說走寶。

今次再來是黃昏時間，menu 上其實沒有此麵，侍應説除了炸墨魚餅，其他炸物也可以配麵，那就乾脆要份「炸片頭黑豉油撈粗」，承惠 $38。

[ 提外話，我屋企樓下買這個街坊外賣店的叉燒飯，索價 $40，雙拼近 $50，味如嚼蠟。與其食個無靈魂的乾柴柴飯盒，不如食個 $38，有用心去做的堂食撈粗。]

=======

「雞記」上桌仍是9秒9，主角不算全片頭位，屬「炸魚片肉」，厚切四大件，新鮮熱辣炸起，彈牙非常，外皮香脆，吃得出沒有多下粉去造。魚片之中佢確係做得唔錯，難怪上次有人話我走寶：

黑豉油撈粗好大餅，麵爽口，略帶豬油香 (?! 未能確定)，也屬上品。豉油我覺得調味鹹返些少就 good fit，我就自己落附上的潮州魚露吊味：

跟麵的湯是魚蛋粉的湯，勝在夠熱，食到半路中途麵條變乾，就即興灑上：

一大兜，飲埋湯，飽哂。炸物佢係有一手，地點又就腳，屬糧尾之光茫。難怪我幫襯時，黃昏晚市食客都是人山人海！

「雞記潮州麵食」
地址︰尖沙咀加拿分道15號C地下
電話︰2301 2099
營業時間︰星期一至六 07:00 - 01:00；星期日及公眾假期 07:00 - 00:00

若你喜歡此部落格，也請你 like 一 like，感激！