合作企劃

2018年7月9日星期一

【胡定欣、譚詠麟都幫襯】星級平民米芝蓮小炒


有種風味叫「麻甩大叔風」,平實中見功架,市井中見個性,形容隱於太子的米芝蓮食肆「聚興家」,最合適不過。





此店剛得到 2018年米芝蓮車胎人推介,門口有多張明星合照,「深宮計2」皇后胡定欣、阿倫等曾是坐上客:



舖面外有大水缸養著海鮮:


正所謂「山不在高,有仙則靈」,餐廳不重獲獎次數,也不重明星拱照,好食又抵食就正。「聚興家」堅在碟碟餸都好食,少見也!


今次去是為大叔 K先生賀壽。店的鋪面細,有大約六張枱,人頭湧湧:


店用速度搭夠,上菜及返枱快,卻沒有被催促的感覺。Book 枱時,沒有講明時間限制,阿姐侍應服務很好,不見得因為「米芝蓮光環」而變得傲慢氣粗。 當日我吃八點那輪, 已經轉了兩輪枱,而且仲有第三輪入席。

今餐真係樣樣都好食,「椒鹽鮮魷」$98, 炸得金黃酥脆,好下酒:


必食推介「新鮮鹽焗雞」半隻 / $198, 配蔥蓉上枱:


好食之處,是醃得非常入味而不過鹹,味是深入骨肉, 且保留肉汁。 不點調味料, 已經好得。

紅燒乳鴿」$68 / 每隻,即炸上桌,點了兩隻一開四:


甫撕開已見到粉嫩肉,肉汁是流出來的,沒誇張!皮脆肉嫩, 誰不愛?


不得了的「上湯海中蝦煎米粉」(時價,當日配五隻中蝦 $300) 



原本配龍蝦, 卻貴一倍, 所以搭新鮮海中蝦是較相宜的選擇,也可吃到好吃的煎米粉。



煎米粉絕對是重點之一, 脆卜卜,海鮮上湯芡汁鋪面,點些辣椒醬食更爽 YY。海蝦肉新鮮,爽彈,此店做海鮮菜係有一手。

上湯白菜」$78, 沒味精, 可以連湯都喝掉:


熱辣辣「石頭鍋仔飯」$88


沒飯焦, 卻做到飯粒分明, 豉油平均染在其上, 甘香。加上菜粒、肉粒、廣東芹菜等配料, 材料雖簡單, 各種超水準配合,就變出不平凡的效果。

此店絕對能列入翻兜之選,下次我建議可以儲夠人頭再去,8 至12 人就最好,因為有些菜式份量碟頭大, 例如「酸菜蒸石斑」及「海鮮湯鍋」,看見隔離枱點, 已經流曬口水,要試就唯有等下一次。




「聚興家」
地址:太子砵蘭街418號地舖
電話:2392 9283
營業時間:17:30-02:00


若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...