合作企劃

2018年7月27日星期五

倫敦金的羊羣心理?甘永泰魚蛋


近排睇新聞,一大堆「倫敦金」案件,也不是新鮮事。我以前試過被騙上什麼「倫敦金」課堂 (那年代未有 WeChat),學「渣」同「沽」,本小又利大,洗腦式的轟炸遊說,加上一窩瘋羊羣心理,聽落的確好吸引。我那時無乜閒錢,加上自己做銀行,略知風險,所以沒上當。




事至今日,「羊羣心理」在心理學來說是一種常運用的技巧,尤其做 sales 的,一些金句如「好多人客都買咗呀,我自己都有買!」、「上個禮拜個客先落咗呢隻,而家賺咗一成喇!」,總會用得上。


在飲食界,羊羣心理造就的食潮一直存在。由當年珍珠奶茶、葡撻、到芝士蛋糕,真係一雞死,一雞鳴。


上星期入了長州一趟吃飯,為下集電台節目做準備。當然滿街都是珍寶巨大魚蛋啊、甚麼芒果糯米滋、滷味之類的檔:




距離碼頭五分鐘不到,見到老店「甘永泰魚蛋」,離遠望見人頭湧湧



又是羊羣心理,未吃已讓人覺得有:「呀,應該㑹好好吃!」的直覺。


咁一場入到來,就做隻羊祜,整返串啦。「魚蛋」$20 / 串


有五粒,是炸的,食咗一粒先記得影相。真心無特別,都幾貴,又不見得特別爽彈,而且好鹹。難怪隔離士多賣飲品賣到手軟。。。

俾多次機會佢,「墨魚丸」$20 / 串


都是五粒,好後悔!炸得太乾,抽乾哂水份,加上是凍的,外面像枯萎了的老葉,唔講真係唔知係墨魚丸,以為自己食緊擦原子筆的沙膠 。其他羊羣食客,有無同感???

最後送個「平安包」給大家及自己,凡事理智啲。各位,Happy Friday !




「甘永泰魚蛋」
地址 : 長洲新興街106號地下
電話:2981 3050



若你喜歡此部落格,也請你 like 一 like,感激!
Related Posts Plugin for WordPress, Blogger...