2013-02-19 街坊廚神 - 有得餃

最近睇金剛、小儀套「街坊廚神」，介紹了元朗區的餃子店「有得餃」。過年吃餃子是北方人的習俗，因為餃子外形似元寶，喻意全家吃過都金銀滿屋。咁好意頭，新正頭點可以唔食佢？

「有得餃」是一間很家庭式的小店，只有十多個位，眼見老闆娘與熟客打成一片，似做街坊生意多。「有得餃」的餃子主打即叫即包，所以點好菜後也要等一會才有得吃。

「頂級蟹粉豬肉餃」$68

因為愛吃蟹粉，所以先點了個較貴的蟹粉餃來身先士卒。

餃子一碗八粒，大得如BB仔拳頭大，蟹粉味不算濃，只能吃到輕滲的蟹油味，是有些少失望，蘸浙醋吃口感似厚皮的蟹粉小籠包，叫做過了口癮。

「高纖甘荀溫室雲耳豬肉餃」$30

另點一款較清新的口味，我覺得是對胃口得多。蘿蔔絲與雲耳絲都很脆爽，蘿蔔帶甜，吃起來清而不膩，感覺也較健康。

「上海式炒烏東」

再下一城，試試師傅炒物的功駕。

老抽炒麵內混有香菇、肉絲，面頭曬上大量芝麻，很香口，而且炒得不油膩倒也是真的。

看來下次再光顧這些家庭式小店，還是點一些平實的選擇較穩陣！

「有得餃」

地址 : 元朗又新街53-59號滿利大廈地下E舖

電話 : 2449 3389

若你喜歡此部落格，也請你 like 一 like，感激！

https://www.facebook.com/siuyeahdragon