合作企劃

2012年1月28日星期六

2012-01-28 外賣瀨嘢事件簿

早前放農曆年假,在網上看到一則有趣的調查,調查了網友在嗌外賣回家吃時發生過最中伏的事。以下是幾個經典例子:

網友 A 個案:落街買鳳爪排骨飯,返到屋企開餐先發現阿叔落錯普洱當豉油。

( 龍少爺:呢位兄台有所不知,阿叔用心良苦呀,「茶漬飯」查實對健康是非常有益。臨床實驗顯示,普洱有解油膩及降胆固醇之效,今次明益你啦。)

網友 B 個案:外賣凍飲,紙杯邊有外賣阿嬸個脣膏印,都唔知仲飲唔飲杯嘢好。

( 龍少爺:早前 o靚模 DaDa 在大陸登台賣唇印紙巾,令眾宅男爭崩頭,最後以 $12,000 人仔天價成交,而家阿嬸免費附送,又係明益你啦。)

網友 C 個案:在大快活買魚柳飯,返到公司打開,得盒白飯,搞到又要行15分鐘返大快活同佢理論。。。

網友 D 個案:外賣「老麥」十八件麥樂雞,諗住試勻四隻醬,點知攞返屋企打開,漏咗俾醬。。。

其餘千奇百怪的囧事,多不勝數。

鄙人最經典的外賣中伏事是叫了碗叉燒湯米返公司食 ,正常係一碗湯、一碗米,點知佢比咗兩碗都係湯,返到公司超想媽叉。。。

早前叫外賣「叉雞米」返屋企食,好彩,無事!


奉勸各位以後叫外賣時,記得 check 清楚先好走喇!



若你喜歡此文,也請你到 facebook 專頁 like 一 like,感激! https://www.facebook.com/pages/為-食-龍-少-爺/198211286900730?

Related Posts Plugin for WordPress, Blogger...
合作企劃