合作企劃

2011年12月15日星期四

2011-12-15 肉慾宜家

上星期看到一則令人安已不的新聞 ,說有一對 Form 1 學生小情侶,竟然在銅鑼灣「宜家家居」店內公然忘我地表演情慾騷;二人坐於「新產品」梳化內激情擁吻,懶理途人、上下其手 (下柵數十字...),全程更被觀眾拍下並被人起底 (請見伸延閲讀)。

Well,將陳列室當做屋企,肆無忌憚瞓喺沙發火辣辣地攬攬錫錫,此風真係不可長。點解而家 13 歲啲 o靚仔 o靚妹咁大膽?橫掂而家香港推行通識教育,呢單新聞最好就係用嚟做反面教材。

言歸正傳,去「IKEA」除了可以買家俬及打野戰外,當然仲可以醫肚,食色性也嘛。「IKEA Café」專門供應典型的瑞典食品,一向以平聞名,$6 一隻熱狗,加杯無限添飲汽水才不過是 $10,軟雪糕一客賣 $2,差點以為自己眼花。 之前看過報導說「IKEA」 開 café 主力不是為賺錢,而是為帶旺人流。試想想,星期天一家大細來行街,再吃頓午餐或下午茶也不過是一百幾拾,實在是家庭日最好的消遣,這也是一門很好的巿場學。

瑞典凍蝦杯」



賣相非常精緻,二十隻蝦排在杯邊齊齊做 sit up,大部分都帶有蝦籽;味道帶少許鹹鮮,口感清爽,輕灑檸檬汁即時起了提鮮的化學作用;賣 $22 ,實在便宜得恐怖。而家買杯咖啡都要廿七大元啦, 喜歡吃海鮮的朋友不容錯過。

瑞典肉丸拼薯仔」


每次來到必點。半豬半牛混合的肉餅 / 肉丸永遠最好吃,牛的鮮實度與豬的嫩滑感兩者兼得,這個也不例外。肉丸的肉汁豐富,肉味濃郁,配的新薯亦煮得剛好,入口軟滑,這小吃真的是不論當正餐或下午茶也相當合適。唯一奇怪的是那紅莓醬,味道完全不搭配;不過也不要緊,整碟賣 $19,實在無投訴的餘地。

這裡其餘的小吃如「香草雞翼」、「香草煙三文魚」等均非常不錯,也很適合小朋友吃。奉勸各位 Form 1 學生哥學生妺,下次來「IKEA」還是到小食部食嘢算啦!


「宜家家居咖啡室 IKEA Café 」
地址 : 九龍灣宏照道38號Megabox4樓 
電話 : 3125 0888 


伸延閱讀:

宜家情慾照主角身份曝光

Related Posts Plugin for WordPress, Blogger...
合作企劃