旺角真是個可愛的地方。途經西洋菜街,「百老匯」多過 7 仔,街頭表演隨處可見,畫劇唱歌夾 band 賣寛頻賣健身會籍樣樣齊,就像東京秋葉原 x 原宿街頭 (山寨版)。上月經過時就見到有一班中年人士在偏偏起舞, 表演華爾滋。你哋好呀!
行近「家樂商場」,會見到一排排的小食攤檔,就算見唔到, 離遠都會聞到臭豆腐的「陣陣幽香」。離遠又見到一大群人, 不是在跳舞,而是在排台灣名物「豪、大、大、雞、排」!
「豪大大雞排」起源於台中,99年進駐士林夜市後,迅速走紅。 要說特色嘛,絕對是雞排的特大 size,面積有如朕對 43 號波鞋,還要堅持原塊上,不替客人剪開。 這店威水史是曾創下一日賣出 3,000 塊雞排的紀錄;若計開鋪十個鐘,即是一個鐘賣 300 件,每分鐘賣 5 件,都咪話唔堅。
朕之前到過市林潮拜這雞扒,感覺是香脆中帶肉汁,肉質大而厚, 外脆內軟,好吃得要吮手指。
旺角要排隊就咪搞我,唔使排,都可以諗諗。前日路過灣仔, 竟然唔使排,一於決定擺低銀両,重溫風味。
點了小辣 ($25),雞排即叫即炸,職員立刻灑上辣粉入袋。
「豪大大雞排」
地址 : 灣仔灣仔道162-164號B1舖
沒有留言:
發佈留言