龍少爺 : 寫意 weekend 意大利 brunch

2026年7月5日星期日

寫意 weekend 意大利 brunch - Abbraccio

今餐生日飯分享，是同好耐無見的契爺 Joe @joeng408 慶祝生日，weekend 到中環意大利餐廳「Abbraccio」食 brunch 。

如果有看開小弟作品的讀者，應該會對契爺有印象，他是我第一本著作「五味樂緣」的其中一位嘉賓，當時他是Canada Airline 的 GM，之後我替不同雜誌寫稿訪問也有邀請契爺做嘉賓，非常 supportive，仲記得對上嗰次訪問係在尖沙咀「凱悅酒店」的「Hugo’s」，一轉眼就10多年了！

(係，我當時係瘦好多。。。)

現在契爺退休享受人生，不停地方飛來飛去遊玩，而且他也 keep住入廚煮飯俾大家食做慈善私房菜，忙到飛起，今次在他又飛之前，約到佢見面食 brunch。

這間樓上餐廳「Abbraccio」在石板街隔籬，對正「大館」，相信唔少朋友仔都有來吃過。店名 Abbraccio 在意大利文入面是「擁抱」嘅意思，由巴西籍女主廚 Agnes Lessa 掌舵，主打正宗意大利口味出品。餐廳環境甚有格調，室內行歐陸式裝潢，白色磚牆配木地板，燈光柔和：

最正係右邊有個寬敞嘅戶外露台，望到對面「大館」等歷史建築。本來我哋諗住坐出面，不過當日落雨沒有開放，轉入室內環境也是舒服的：

見面坐低即刻飲杯，我哋淨係 catch up 講以前趣事同 update 近況都雞啄唔斷！當日天氣好翳熱，要了支「Gas Water」

「Iced Tea」

「Iced Coffee」

店的菜式選擇很多，散叫份量應甚大，反而套餐不用多想，每位$178+10%，包前菜、湯、主菜同飲品，加錢可以 top up 甜品，一於咁話，邊食邊傾！

前菜

「Insalatina - Mix Green Salad, Tomatoes, Red Onion, Watermelon Radish」

做法經典而簡單，講求食材新鮮度。將洗淨的沙律菜、多汁車厘茄，配上切成薄片的紅洋蔥同西瓜蘿蔔，最後淋上輕盈嘅意式油醋汁輕輕拌勻：

賣相精緻，西瓜蘿蔔帶點爽脆，紅洋蔥有少少辛香。油醋汁酸酸甜甜，份量啱啱好，食落非常清新、開胃，是一個稱職的開場：

「Soup of the Day - Pumpkin Soup」

是日餐湯是南瓜湯。店先將南瓜去皮切塊烤香，鎖住甜味，再加入高湯一齊熬煮，最後用攪拌機打至完全綿密滑溜，上檯前加入少許忌廉：

南瓜湯夠濃稠，滿滿天然南瓜甜味，入口綿滑，南瓜天然甜味突出：

主菜

「Tonno Pizza - Tuna, Tomato, Mozzarella di Bufala Campana DOP, Onion Seasoned in Light Herbs」

餐廳主打正宗手工薄餅，人手揉麵團，即叫即焗，可以在玻璃櫥窗見到師傅出餅的過程。契爺選了一個無咁多芝士的口味，因為之後他就會去歐洲遊埠食好嘢 XD

餅底塗上帶酸甜意式番茄醬，鋪滿油浸吞拿魚、用輕盈香草調味過的洋蔥絲、番茄、意大利 Campana 水牛芝士、香葉等，放入高溫烤爐烤熟，上桌會拼上另一份的頭盤沙律菜：

一上檯熱辣辣，7 吋 Size 兩個人午餐分享啱啱好。薄餅邊緣烤得帶點焦香脆口，中心位置依然保持住柔韌有彈性，做得好：

水牛芝士奶香味重，溶化後拉絲效果誘人，配合多汁鹹香吞拿魚同微甜嘅洋蔥絲，同番茄醬嘅酸甜好夾，整體味道簡約得來吃到食材原味，完全不會覺得滯，是一個好吃的薄餅：

「Lasagne Alla Bolognese - 100% Angus Beef, Artisan Tomato Sauce, Mozzarella & Parmesan Cheese」+HK$28

傳統意大利中北部博洛尼亞做法的千層麵，用手工番茄醬同純安格斯牛肉碎慢火熬煮成香濃肉醬，一層千層麵皮、一層肉醬、一層 Mozzarella 芝士，層層疊起，最後喺表面撒滿 Parmesan 芝士，放入焗爐焗到表面金黃微焦：

邪惡得來好好吃！加 HK$28 升級絕對值得和建議：

千層麵厚薄適中，焗完之後每層熟得剛好，不會太硬或太爛，每一啖都吃到濃郁安格斯牛香與番茄酸甜，芝士份量足，味道經典得來做得好細緻，啖啖肉醬很滿足，份量也不會龐大到令人吃不完：

甜品

「Mini Tiramisu - Mascarpone, Cacao, Espresso」+HK$20

事前在網上訂位有寫是慶祝生日，侍應醒目地將這甜品配上手寫的祝賀字句：

正宗意式做法，手指餅完全浸滿濃郁嘅 Espresso 咖啡同少量酒，鋪上 Mascarpone 芝士同蛋黃打成的幼滑芝士糊，表面篩滿厚厚可可粉。此 Tiramisu 確是店的招牌，真係無叫錯。用杯裝住，可完美保持到濕潤質感。一啖落去入口即化，Mascarpone 芝士好軟滑，咖啡的甘香、可可粉同淡淡酒香在口腔內平衡得好好，甜度偏低，來到一定要食：