合作企劃

2012年9月23日星期日

2012-09-24 辦公室的飲食點滴 (二)


繼續分享辦公室點滴。

有時一朝早要到 office 頂樓開會,提供的早餐我覺得是頗不錯吃的。最喜愛有新鮮熱辣即蒸蝦餃、燒賣。






咖啡不用了,我通常都是飮水算數。




其實我早餐最想吃的點心是「流沙包」同「雞包仔」。。。不知有關方面會否考慮一下轉 menu 呢?

若是在下午舉行的大會,點心就會轉了做「熱氣系列」或「甜點系列」:



有手足遊台灣回來,送我一隻牛角做手信。究竟是甚麼葫蘆賣甚麼藥?



原來是一支名為「勇氣」的台南酒,好名好名,我要啊。已擺放它在櫃面了,謝謝!


早前上 training,玩了個「Marsh Mellow Challenge」,就是很老土的那類,每組用竹簽鬥高,造個塔出來舉住粒綿花糖之類。


咦?點解我嗰組個塔係。。。彎嘅?!但係無冧喎,勁。我見到隔離枱有女組員偷笑,唔通個「塔」嘅造型令人有些暇想?!?!

到了 training centre 樓下的 coffee shop 喝咖啡,三杯剩惠 $80,好貴啊。



近日發覺自己暴肥,褲頭通通變緊,早餐唯有食「Grove」啦,感覺好似健康一點?!




午餐則喜愛到「Market by Jason」(貴價版惠康??) 買壽司,$70 有找。




又有同事離職請食散水餅,感覺已很麻木。


今次的散水餅是「Mrs Field's Cookies」,好像還是頭一趟吃到用曲奇做散水餅。我使唔使唱「Cookies」嘅「最後一塊」?



派剩成盒送哂俾我。我知我已經暴肥,你係咪靠害㗎?!!學利智姐姐話齋,你有「音毛」?!



壓力爆燈,俾別的部門激到飛起,好想唱古巨基首「爆了」。到了公司的「Pacific Coffee」買朱古力吃 ,每粒藏著一粒咖啡豆。


「隊」了一盒,當堂醒哂。喂老兄,好多嘢人工包咗,乜你唔知咩?

講住咁多先,下回再傾!(重溫舊文「 辦公室的飲食點滴 (一)」)


若你喜歡此部落格,也請你 like 一 like,感激!
Related Posts Plugin for WordPress, Blogger...
合作企劃