2011年8月4日星期四

2011-08-04 龍少爺話你知 (一) 咖喱雞

龍醫師:「咖喱雞,即是用咖喱煮成的雞,亦俗稱在頸上激吻後的痕跡。。。從醫學角度,用咀部啜下皮膚後,身體上會受到吸力,導致壓力不同,令皮下的微絲血管加速血液流動;但壓力失去之後 (即激咀完後),該部位的血液未能經微絲血管流去,就會形成一片瘀血的痕跡,即係大家頸上的「咖喱雞」喇。」

「但係點解要叫吻痕做「咖喱雞」,而唔叫「咖喱牛」或「咖喱豬」呢 ??? 這就有待考查。根據最近經濟學人報導,原來地球上有190億隻雞,14億隻牛,10億隻豬同羊!中國亦係有最多雞的地方,每個中國人平均可分到 3.6 隻雞,但這當然唔代表每人都試過有 3.6 隻咖喱雞啦。。。」

「如果而家唔用「咖喱雞」,而係用「咖喱 X」去代表吻痕,大家有乜提議?」

1.「咖喱腩」- 牛腩雖然炆得腍,但同接吻完全無聯想,被 out。



2. 「咖喱班」- 即係石班,似病名多啲,唔掂。例子:「嘩,你條頸有好大塊咖喱班呀!」可能會被誤會係「紅班狼蒼斑」啲親戚。



3.「咖喱羊」- 羊比雞騷,騷香的味道可惹人幻想,可以考慮。



4.「咖喱海鮮」- 雖然香濃惹味,但名太長喇,無理由話:「嘩,你條頸有好大塊咖喱海鮮呀!」好怪!!



5. 最後是「咖喱利」- 牛利似乎最像樣,部位亦與接吻有丁點關係;可惜有點兒核突。



龍醫師:「總結:叫番「咖喱雞」最好。你今日「雞」咗未呀?」



3 則留言:

Related Posts Plugin for WordPress, Blogger...