2011-08-05 小飛俠的「滑蛋豬扒」

在微博上看到有人 post 出世界各地主要地方法定的结婚年齡，頗有趣。由小至大排列：
伊朗9歲 (??!!)；荷蘭12歲 (?!)；俄羅斯14歲；法國15歲；菲律賓16歲；巴西16歲；台灣16歲；韓國與日本女16歲男18歲；中國大陸女20歲男22歲。至於我們香港？原來是16歲 (相信要父母簽紙同意吧 ?!)

問題一：伊朗人9歲就結得婚，照計喉核都未出啦，乜伊朗人咁早熟 ?! 如果佢阿爸阿媽係9歲結婚生仔，佢阿爺阿嘛又係9歲結婚生仔，佢太爺太嘛又又係9歲結婚生仔....咁咪分分鐘九代同堂 ?!

問題二：點解有地區規定女係可以細過男人結婚，但掉轉就唔可以？例如係大陸，20歲嘅男仔係唔可以娶個22歲嘅女仔。以前讀 Bio，好似話女仔係早熟過男仔架喎。。。哦，原來愛情係有年齡規範的。

最近睇新聞，見到有所謂婚姻專家話港男開始出現「小飛俠候群症」，又話港女有趨勢向港男「逆求婚」，仲自掏腰包付酒席訂金。咁又係，有邊位港女唔想脫離「豬扒」及「剩女」之名？

是日在「壽司喰」品嘗了正宗「滑蛋豬扒飯」，一解思鄉之愁。。。豬扒分量與賣相均恰到好處，完全品嚐到「豬扒」的原始真味。。。

「雜錦魚生飯」

另一半的選擇。賣相一流，本少爺試了兩口，刺身帶濃郁海洋鮮味，不錯不錯。

查實本少爺是否也有「小飛俠候群症」呢 ?

「壽司喰」
地址 : 中環威靈頓街2-8號威靈頓廣場1樓
電話 : 2971 0180

伸延閱讀：

http://hk.news.yahoo.com/兩性失衡惡化-女向男求婚-224814637.html