2011-08-09 超讚豬扒推介 - 新景園

近來公司多了很多新力軍同事加入，兼且位位都是食家；一時話邊度邊度食蠔好，一時又話邊度邊度 high tea 正，本少爺當然通通想試啦。第一彈是得到「北角楊釆妮」及最近在網路上人氣急升的「薄扶林楊丞琳」介紹，說灣仔「新景園」的豬扒非吃不可，那就上週一於 let's go !

明知午市會多人，我們眾人已經提早出發；去到時只是 12:15pm，店外已經人山人海！無計，食好嘢是要付出代價的，這點本少爺非常明白。。。

呆等了三個字 (我們算快了)，終於入座。內裡是典型港式茶記風味 - 搭枱，超級擠迫，伙記滿場大嗌，我鍾意！

先來的支裝可樂，是出面少見的大支裝，老香港情懷立即重現。

「乾炒牛河」

這個先來，頗起出望外！河粉炒得不算油，沒有炒到一舊舊，且每條河粉都沾滿豉油香，水準很高。牛肉則是用鬆肉粉醃過的那種，個人認為可以不理，單吃河粉已很滋味。當然，識食之人會加上辣椒醬，「男人的浪漫」又立刻重現 (可惜不是余均益，否則更浪漫...)

「咖哩豬扒飯」


這個名物由落柯打到上枱都等了三個字，豬扒該是即叫即炸吧。咖喱汁先上，這就是豬扒即將來臨的先兆。

主角終於隆重登場，兩大碟，成張枱都唔夠擺。

一試之下，果然名不虛傳 !!! 豬扒大塊鬆軟，帶半肥瘦，外面鬆脆香口，肉地香嫩多汁，味道帶點紹酒香。本少爺特別喜愛這種半煎炸的方法，豬扒邊位帶少肥，超級香口，誇張啲講句真係好味到會令人咬崩碟！

伴碟的咖喱汁微辣，雖則薯仔只有一塊，亦炆得極腍。全碟飯 $55 加 15 分鐘等位加 15 分鐘等食，本少爺願意為呢塊豬扒付出！

溫馨提示：外賣咖哩豬扒飯價錢平一半，但美味程度亦會得番一半，因為咖喱汁與飯盒會將豬扒浸/焗淋。若有心來朝拜一下豬扒的魅力，你識點揀啦！豬扒，I will come back !

「新景園咖喱小廚」
地址 : 灣仔春園街20號
電話 : 2574 9172