曲奇餅給人的印象是又肥又多牛油，今次做的健康版就用有益的燕麥來代替麵粉，加上香蕉天然甜味，完全沒有落牛油，焗出來一樣香脆，而且做法簡單到不得了！
大家記得如果想甜一點的話，香蕉就要用熟有斑點的，焗出來亦會更香。另外即食燕麥因為裏面已經有果仁、提子乾和少許甜味，基本上即開即用就可以了。
因為屋企無糖霜，如果唔係在面頭灑一點會更靚 :-)
材料：
香蕉 兩隻
即食燕麥 (任何味道，最好有乾果) 兩包
楓糖漿或蜜糖少許
做法：
1. 將香蕉肉切段，然後用叉整爛
2. 加入兩包即食燕麥，與香蕉肉完全撈勻。份量是兩條中型香蕉，用兩包即食麥片就剛剛好。
3 將香蕉燕麥混合物用匙羹放在焗爐鐵板上，造成曲奇餅的大小。大小可以隨你喜歡，但不要做得太厚。
4. 放入預熱的焗爐內，用220度火焗15分鐘即可。時間要視乎曲奇餅的大小與厚度，中途記得要睇睇有冇焗燶。
5. 放在室溫中放涼，燕麥曲奇就會脆卜卜
6. 吃的時候點上楓糖或者蜜糖，正斗！
