合作企劃

2016年8月7日星期日

2016-08-08《拍攝的背後》利緣茜街 · 主席煮食 (極多美食,肚餓慎入)


分享一下前個月拍攝的趣事。好少拍一個節目可以由頭食到尾,之前主持 NOW 飲食節目因為要記稿,雖然係堅食,都係點到即止;今次拍 D100利緣茜街 · 主席煮食」Season 4 第三集可以話係瘋狂咁食!





今次是第二次做此節目嘉賓。第一次受訪是上個 Season,和主席及阿茜在直播室錄,這次訪問已經走到主席家裏拍,一邊煮餸一邊吃飯,一邊接受訪問拍埋片。作為嘉賓又愛吃貨,當然是很歡喜這個型式 :p




我的一集有四味餸,「鹽酥雞」新鮮熱辣炸起,太好味了!


原本煮起的份量是滿滿的一碟:




後來我同阿茜和幕後人員忍不住偷吃,最後拍攝的時候得返咁多多。。。大家都話:「差唔多啫,差唔多啫」:-D



潮州煎豆腐糕」,是主席的一位朋友傳授的,豆腐糕質地似蘿蔔糕:



切好之後就落鑊煎香,味道像煙韌一點的蘿蔔糕:




梅菜扣肉」,主席用心之作,梅菜香甜,用來撈白飯一流:



五花腩炆得鬆化,最緊要連皮同肥的部份一齊食!如果食「梅菜扣肉」唔食皮,人生還有意義麼?!?!XDDD


最後一味「豆醬炒花蟹」:






花蟹新鮮,實在沒有失手的理由,蟹蓋又可以俾阿茜扮超人。。。



好啦講返少少訪問內容,主要係宣傳我本韓國飲食新書,當中的趣事等等。




拍完我的一集,跟住就直拍 Jacky Yu 的第四集。最後大家就一齊食埋晚飯,仲有好友 Paula,唔好嘥咗啲餸嘛!



Jacky 今次大顯身手煮「泰式香草青檸焗魚」,個醬汁超正:




話梅浸涼瓜」。這天我們吃過後在爭論,綠色涼瓜比較苦,還是白色的比較苦?大家投票結果是男人覺得白苦瓜較苦,相反女士覺得綠色的較苦。有冇人可以解釋這個物理現象?!?!



油炸鬼焗魚腸」,主席夫人的至愛,用了幾副魚腸帶肝,清洗得乾乾淨淨,焗起趁熱吃是完全不腥,絕對是主席心機之作及愛妻表現。



(話時話,咁啱我同主席夫人係十幾年前同部門的舊同事,今次再重聚,世界真細小!)



糯米釀雞翼」,雞翼首先要吊起來風乾,乾脆吊在晾衫架上,下面用抽濕機抽乾:




拍 Jacky 時 Paula 剛剛到,我就和 Paula 做家庭觀眾邊看着他們拍,邊分得兩隻雞翼吃,好得!



這個飯局真係由頭食到尾,仲有「煙薰魚」,「自家炒糯米飯」:




拍完今集節目,真係會肥兩磅,唔知主席同阿茜拍完今個 Season 之後又肥咗幾多磅呢?呢個節目絕對係大家都會爭住上來做嘉賓,實在太口福無邊喇!

Related Posts Plugin for WordPress, Blogger...
合作企劃