近日看見「老麥」又來掠水，推出老麥 x Hello Mimi 公仔。不知何解，細個看見麥當勞叔叔時會好驚，完全唔覺得可愛。
另一個老麥古怪人物就是「滑嘟嘟」。以前唔知道呢舊紫色物體係乜黎 ，最近老麥網站終於將佢嘅身世大揭秘：
滑嘟嘟（Grimace）
滑嘟嘟是一個體型巨大、毛茸茸的紫色傢伙，他逗人喜愛、天真單純的個性，使得每個人都喜歡他。不僅樂觀、快樂，還很熱心、熱情，喜歡嘗試新的事物。滑嘟嘟很尊敬麥當勞叔叔，每逢遇到甚麼問題都會向他請教。他說話總是慢吞吞的、喜歡說簡單的句子，叫人喜愛。
性格：幽默、充滿理想
嗜好：溜冰、做運動
最喜歡的食品：麥當勞奶昔、新地及雪糕
========
唔知點解，睇完介紹之後覺得佢仲恐怖。。。
或許滑嘟嘟形象太深入民心，巿面上其實都有幾位佢嘅遠房親戚，四隻怪物可以夾埋開枱麻雀啊。
疑似親戚一號：Cookie Monster
疑似親戚三號：媽咪麵
本來想貼杯老麥新地相，但又好似「流」咗啲；咁一於貼張上個月吃過的一煲雞湯翅啦，一樣咁滑嘟嘟。翅是邊位不算靚，但卻好滑好彈；加上奶白色的湯頭充滿雞鮮及金華火腿味，又濃又甜，食味絕對不是「金趐 PK 鳥」。
各位，enjoy your beautiful sunday。明天見！
你星期日一早就寫卜真勤力.
回覆刪除我細個都好驚麥當奴叔叔的,但一向好鍾意滑嘟嘟......
根據大部份人的意見， 小朋友都好驚麥當奴叔叔，麥當奴可能要正視下呢個問題。。。
回覆刪除