利申,食雲呑麵,我個人喜好是「何洪記」,它的「乾炒牛河」
老字號雲吞麵,「散尾金魚」狀的雲呑要依足傳統方法弄製, 墊於銀絲麵底內,一口一粒,鮮蝦味道濃郁; 湯底要用上大地魚及蝦殼等熬製,更是整碗雲吞麵的靈魂, 方為上品。
咁所謂老字號雲吞麵店,在港多的是,索價也可以不菲, 尢其「麥」字派一系列各店。
見到門口貼出某名女DJ 的食評,俾咗「甲」,我即刻心諗,咁即係唔慌好啦。。。
我諗前後等左15分鐘,都未上食物,侍應們繼續閒話家常。。。 我們就追問一下。
「係咁㗎啦,我哋啲雲吞幾十年來,都係即叫即淥!」以下呢位阿姐侍應邊 bear 著我們邊答。我還以為我講錯了什麼,果然老馬有火。。。
咁咪即係唔識與時並進囉。若果在中午人多的時候, 係咪都係咁十年如一日的古舊做法?!不論是否趕時間,我想信有樣野叫「合理期待」。你跟傳統半粒鐘整一碗麵都得,是否「合理期待」?明事理的讀者們應該理解。
印象中以前它的雲呑麵都能做到基本的蝦爽,湯鮮。今次湯底明顯多了味精,而且因為食得太趕, 俾阿姐搞到冇乜心情食。
「水餃麵」$50 +10%
埋單時阿姐面口也不太好,我覺得整體是態度問題。真心一問,查實呢啲老店, 係咪真係以為自己好巴閉?
一間食肆給人的印象,很影響人客會不會再吃它的出品, 若然印象好,食客多,happy 之餘價錢又可賣貴一點,口碑好, 這該是經濟學上所謂的建立「goodwill」本錢。故步自封? 恐怕遲早會俾人淘汰,難怪在某網上食評,此食店有咁多嬲嬲豬。
「麥兆記 (袓傳) 廣州雲吞麵」
地址 : 跑馬地景光街32號地下
電話:2893 2308
營業時間:11:00-23:30