合作企劃

2019年1月21日星期一

浪奔浪流上海灘 - 家常獅子頭菜飯


話說近排因為辦公室轉了地點,多了在尖沙咀附近吃午飯,發掘到不少不錯吃的小店,其中有這一家專門吃上海菜,店名叫「上海灘麵道」,幾有氣勢,即刻令我諗起葉麗儀姐姐。。。





英文名就簡單得多,叫「Shanghai Noodle」。它位置在「軍記」隔離,開業數個月,餐廳不論外觀與裝修,內地氣息相當濃厚,感覺似返左大陸:




餐廳侍應都是操上海口音的大姨們,目測大部份人都是吃陽春面和菜飯,也就是這裏的主打。


食物選擇不算很多,均是餸菜和飯麵的不同配搭。


枱面有支擺盤西化的檸檬水,免費供應,自斟自飲。雖然好像有些格格不入,始終都是細心位,檸檬水有益:


「紅燒獅子頭菜飯」$58


飯和菜分開上,相信可以方便中午繁忙時段的上菜流程。我食菜飯最怕乜?就係唔夠菜。大碗飯裏面除了有小棠菜,表面還佈有雪菜,加些豆瓣醬就這樣吃,已很不錯。

叧上的「獅子頭」有拳頭這樣大,先炸後炆,醬油汁在生菜底部,有做到「濃油赤醬」的神髓。肉質鬆,汁甜,家常風味:


「蔥烤豬扒雪菜陽春面」$55


賣相幾靚仔,都是滿佈雪菜。我同事是「味精探熱針」,吃得出湯底沒味精,清雞湯撈雪菜和麵條一齊吃,幾暖胃。

蔥烤豬扒 (其實上海人叫豬扒做排骨) 是帶「𠃍」字骨那種,調味可以,肉質我略嫌太乾,可以用肥返些少的豬扒。另外若果豬扒和麵分開上,會更理想:


全店不收加一,中午食飯時間相當多人,要快食快閃,也看得出甚多捧場客。另見下午茶 2pm-6pm 時段,各款麵才 $33-$43,值得再來返兜,浪奔浪流一番。



「上海灘麵道 Shanghai Noodle」
地址:柯士甸白加士街1-11號康寧大廈地下9號舖
電話:從缺

沒有留言:

發佈留言

Related Posts Plugin for WordPress, Blogger...