合作企劃

2018年10月26日星期五

糧尾之光茫 (二) 豬扒煎蛋菜飯


我覺得「糧尾之光茫」可以發展成獨立的文章系列。上次寫了一篇「炸片頭黑豉油撈粗」(相關舊文),閱覽人數相當多;還收到讀者電郵,說可否介紹多些大眾化又好的選擇。




Feedback 收到晒。不如咁,呢個系列我就講吓大家糧餉手緊的飲食篇 XD 雖則每人對金錢把尺都不同,我姑且暫定是 $40至$50 一餐,有嘢食有嘢飲,又不是快餐店的選擇吧。

這間「周庄冰室」在尖沙咀,是我上個星期五吃的,那天晚上要到「德國啤酒節」:


之前有空檔,加上非常餓,就走了去附近的這間冰室醫肚。

這座大廈有頗多食肆,樓下有幾位阿姐在爭派傳單。潮流興懷舊,現在甚麼茶餐廳也叫做「冰室」,可能可以賣貴幾個錢?!上到來,也蠻多人客。


本來一心想輕食碗車仔麵:


車仔麵 HK$49 五餸,加上牆上寫着:豬紅和菜賣晒,剩返啲腸仔、午餐肉、魚蛋,咁我就無謂食呢啲啦。


餐牌另有菜飯系列,有煎太陽蛋配豬扒、牛扒、雞髀、魚柳等。我一向喜歡吃煎太陽蛋,就挑了「豬扒煎蛋菜飯」,5:45pm 前 HK$42 包飲品。


大碗飯的賣相,幾靚仔,自己加豉油,隻蛋係煎得幾靚:



豬扒兩大塊,有燶邊,用豉油、糖醃後乾煎,平實得來似屋企吃到的煎豬扒:


用蛋汁和豉油來撈飯,不錯!唯一要挑剔是菜飯裏面的小棠菜比較少。不過以此價錢,大大碗,我覺得可接受,真心也不會去講究甚麼飯香啊、米粒靚啊之類,會的話也不合情理,始終定位不同。同埋我係食唔哂成碗飯,食完那兩巨豬扒都飽了一半。。。


餐飲照舊,要了熱齋啡,用紙杯裝着,正常味,不酸。雖然紙杯有少少唔環保,可能因此可減少餐廳清潔的成本,而且剛才的飯只用了一隻大碗,碟都可洗少兩隻,變相令食物價錢又可以賣平啲。


食完埋單。和負責人 (一位太太) 傾左幾句,原來她們本在同一座大廈有另一間私房餐廳,不過無暇打理,已光榮結業,現在就專注打理這間冰室。


其他食物不知質素怎樣,來吃「豬扒煎蛋菜飯」就甚不錯。


好,下集再介紹另一間「糧尾之光茫」!


「周庄冰室」
地址:尖沙咀廣東道82號流尚店5樓 (Apple Shop 隔離)
電話:2348 1833







若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...