不知何時開始 (廿年前?!),大家都瘋愛用蕃茄做湯底的麵,由中環「
我都算是個蕃茄控。酸甜湯頭,配爽口麵條, 味道開胃顏值度又高,作為午餐或晚餐,無任歡迎,吃飽後違和感也沒那麼重。
今回吃的店,主打是「松葉蟹海老蕃茄拉麵」。這裡無論甚麼款式的拉麵,都可以有不同個性選擇, 例如麵質軟硬、湯底濃淡、 配菜追加等。
我點以下都是原汁原味,即選擇項目上都填「適中」, 也沒加多餘配菜,保留原有神韻,我也建議甚麼都不用加, 已經相當豐富。
「松葉蟹海老蕃茄拉麵」$88
湯底是一碗拉麵的靈魂,吃拉麵要先飲湯底。目測色澤鮮艷,呷一口,味道濃醇,相信除了蕃茄之外,也有用不少豬骨去熬湯,每啖都甜 :
松葉蟹肉和蝦肉放在面,只浸到少許湯, 蕃茄味不會蓋過蟹鮮。另有半隻溏心蛋,流心度理想,全碗 K.O.。
「特上魚介豚骨拉麵」$98
又再先飲湯底,魚介湯比上一碗更濃,同樣該有下過功夫, 相對亦較鹹。所以如果想一次過食兩碗拉麵,可以先吃蕃茄的:
店內多款「味自慢」都有放入其中,豬肩肉、豬腩肉片、溏心蛋等:
麵條掛湯力不弱,對我來說滿意程度是 okay 的,整體亦無「豚王」咁油膩:
點了支凍「信州蘋果梳打」$23,解解熱氣:
「日式煎餃子」$30 就做得不錯,有一貫日本餃子皮薄脆底的特式, 新鮮熱辣煎起送上席前:
餡料菜肉味道分明,比例不錯, 不會出現肉太多導致又滯又膩。建議第一口先食餃子原味, 第二啖再點醬汁 (我有將辣油及胡椒粉加入餃子汁內),就可享受兩種口味。
此店食物定價不算太貴,點個拉麵加支飲品, 已是不錯的晚餐。位置對我來說也蠻就腳, 幾個港鐵站就轉到線歸家,屬可返兜之列,天婦羅除外。。。
「豚道樂 Butadouraku」
地址:荃灣大河道63號卓明大廈地舖
電話:3956 9163
營業時間:星期一至五 12:00-15:30, 17:30-22:00,星期六至日 12:00-16:30, 17:30-22:00