合作企劃

2018年3月29日星期四

2018-03-31 地上超強 - 焗豬扒飯


現在西方料理愈變愈精緻,環境和用料也隨着食客的要求,變得講究。舊日時光的豉油西餐,光環像逐漸退色。



豉油與西餐,似風馬牛不相及。想當年廚師們為迎合華人口味,做出各種鐵板扒餐、焗乜焗物餐,西餐不正宗,卻又對食客胃口。


其中一間心水店灣仔「明寶石」,就有我認為是「地上超強」的焗豬扒飯。


餐廳外牆是落地玻璃,吸收自然光。來吃飯,看看雜誌,可以消磨一個休閒中午。



食物價錢貼地,午餐有蒜蓉包、餐湯、主菜、甜品、飲品。主菜有扒、焗飯 / 意粉選擇,埋單幾十蚊全包。

先要讚的是餐廳有提供蒜蓉包,新鮮焗起,用餐包轉不用加錢的:


餐湯有紅、有白、有牛尾湯揀:


白湯不是一般忌廉湯,是「金必多湯」,有幾多人記得?此乃清末老上海最早的中西合壁西湯,在忌廉湯中加入火腿、魚翅、紅蘿蔔,令當時的上流社會容易適應「來佬」文化,又吃到中式食物的奢華。後來不少餐廳模仿,成為當時風尚。


現在的「金必多湯」當然是用素魚翅啦,會做的餐廳也買少見少。想體驗一下,就記得叫白湯。

「鮮茄焗豬扒飯」:


看盤子的邊緣燶哂,就知道經過千錘百鍊。半肥瘦豬扒軟腍,食不出有用鬆肉粉,鮮茄份量足,滋味:


飯是炒飯底,即叫即焗 (有時要等一陣),肉少少脆口燶邊。套餐才 $65,可以說是良心價,一次過集齊多個完勝條件!

另一項選擇「焗白汁雞絲意粉」:


雖然用的是普通意粉,不是甚麼 Linguine、Farfalle、Ravioli 等花臣,勝在有親切感。雞絲份量多,中間吃到火腿和芝士,有些家庭式風味。


2:30pm 後下午茶,心水有「炆牛腩米」$48,可揀撈米或湯米:



五香牛腩用柱候醬、花椒、八角炆得入味,另額外放上炸蒜、乾蒽粒,再加腩汁,撈勻吃又是滋味好選擇。

有衝動來吃個焗豬扒飯,配金必多湯嗎?




「明寶石餐廳」
地址︰灣仔譚臣道98號運盛大廈地下B舖
電話︰2834 4887



若你喜歡此部落格,也請你 like 一 like,感激!
Related Posts Plugin for WordPress, Blogger...
合作企劃