做食肆，服務有時同生意未必成正比。例如佐敦的「澳洲牛奶公司」(澳牛)，服務有幾好真係唔使我多講，仍然門庭如市，就係為咗佢件蛋治、茶餐、燉奶。
不談食物，先講服務，個人評語係服務非常不濟。。。門口個阿姐好悪，我坐低十分鐘，無人理，之後要特登行埋去個阿姐度落單，仲要好似我阻住佢咁。
常餐「豬扒煎蛋通粉」$39，包茶檸啡一杯：
放棄通粉，要多個穩穩陣陣的「公司三文治」$49
價錢一啲都唔平，明白，我係知道才叫的。都係果句，正正常常的話都 okay。見個賣相隔住個 Mon 都知道乾，麵包烘得太乾，火腿、薄切午餐肉也不好吃，似劣質貨，炒蛋薄如蟬翼，仲要求其落 pat 沙律醬，貼錢買難受。
當然，埋單時服務態度貫徹始終，不會好到那裡，位阿姐好有火。同埋係咪廚房師傅輸咗馬？？？好明顯呢間同「澳牛」出品有極大距離，早知排番「澳牛」。
「美新茶餐廳」
地址：佐敦白加士街31號地下