近排麻辣大熱，要在家裏煮麻辣菜式，未必需要用花椒、辣椒等原調味料這樣煩。上月買了一罐「鼎泰豐麻辣醬」，可以用來撈麵或做麻辣火鍋湯底；我見一路都未用，家裏剛好有雞扒，就來做個香口小菜。
另外我喜歡吃蕃茄，將它焗至半熟吃會更甜，而且茄紅素屬脂溶性營養，煮時用少量食油烹調，經加熱後會大大提高人體的吸收率，所以就用了它拌雞扒一齊焗，好食又可增加營養度。
材料 (二人份量)：
雪藏雞扒 三塊
雪藏雞扒 三塊
有機蕃茄 一串 (約12粒)
新鮮 BB 菠菜葉或沙律菜 一包
調味料：
麻辣醬 三茶匙
味醂 / 紹酒 兩茶匙
橄欖油 少許
煮法：
1. 用清水將雪藏雞扒洗乾淨，室溫完全解凍後，用叉在雞肉上打孔 (或橫切薄、𠝹紋亦可)，讓雞扒更易入味
2. 倒入麻辣醬，再下味醂或紹酒用以去除雪味，撈勻醃半小時
3.蕃茄洗好後抹乾，備用
4. 將醃好的雞扒與番茄，排在焗盤上，在番茄仔上灑上橄欖油
5. 放入預熱的焗爐內，用230度火焗十分鐘
6. 將菠菜葉或沙律菜洗好，抹乾，放在碟底
7. 蕃茄十分鐘後已焗至軟身，拿出來先上碟
8. 此時雞扒表面已經焗熟，將它們反轉，再放入焗爐八分鐘至全熟即成
9. 上碟，灑上焗盤上的麻辣汁即成
美味小貼士：若沒有麻辣醬，可考慮用麻辣豉油代替，卻一定要試味及加糖，以免太鹹。另外，用 BB 菠菜葉放底除了上碟漂亮，亦可另落意大利醋及橄欖油撈勻當沙律食，一味餸就有齊肉同蔬菜，大家不妨試試。