龍少爺 : 2018-03-09《港台節目》開心日報 : 特色北京填鴨

2018年3月7日星期三

分享一下剛在 RTHK 1 開咪做的「開心日報」，今集拍檔繼續有何B師傅、超人、貴林哥，主題是「北京填鴨」。

做節目當日是初十五，年宵佳節，我有同各位前輩拍檔同監製拜年，逗利是，我仲帶左少少自己整的曲奇餅一齊食，好開心的氣氛！XDDD

今集講北京填鴨。開咪之前，何B師傅同我講：「嗱，我一陣間會出招㗎！」我記得上次佢話做節目要有上下把，先至好聽同過癮，我即刻同師傅講：「知道！記得留手啊，你功力深厚，我驚我抵擋唔到。」好彩佢都有睇住我，師傅份人其實好可愛！

節目介紹了一間在銅鑼灣新開，專食鴨的鋪頭，相信飲食界有不少朋友都有聽過，因為佢係由本地某著名米芝蓮分子料理西廚開的中菜餐廳，出品屬中西合璧，幾有驚喜。

當日我是和家人一齊吃新年飯，叫了半隻北京填鴨，因為鴨係經過二星期熟成 (aging) 的過程，所以製成品除了脆皮，鴨肉亦非常鬆軟及 juicy，配搭青瓜、哈密瓜條、心裏美蘿蔔一齊吃，爽口且有層次感。

當日亦有分享炒鴨鬆，這個就是節目中提到的「蒙古式」生菜包，調味落咗孜然粉，和鴨肉蠻匹配：

節目中亦有提過點心如「鴨潤腸卷 (橙汁)」、「羅勒葉鴨絲春卷」、「涼拌鴨舌海蜇青椒醬」，都好吃的，詳細食評會另文再分享 XD

現在仲係新正頭，食正個諧音，祝大家新一年乜都一定 duck ! 節目重溫：

http://www.rthk.hk/radio/radio1/programme/happydaily/episode/490142

大家繼續多多支持 FM92.6-94.4 RTHK 1 ，星期一至五 10:20am-12:00noon 節目「開心日報」，下集見！

若你喜歡此部落格，也請你 like 一 like，感激！