揭開報紙雜誌，到大閘蟹季節，今年好像特別多大閘蟹放題，什麼 $68、$98 限時任食，要一早去排隊攞籌之類。我個人不是大胃王，也不會每次食十幾隻蟹，拆蟹查實都幾攰架。
其實依家好多食肆都推出大閘蟹有關的菜色，想食都好容易，好似呢間酒樓，食物好壞參半，蟹粉菜卻做得好。
先來「手拍青瓜」$32，明顯拍得不夠爛啦，有形無髓：
啊姐落力推銷「叉燒皇」$108，話好正又剰，咁就來一碟例牌，一點也不平。肉質似用微波爐翻叮，唔掂喎啊姐。
呢味就非常好，四個人可以叫一隻特價「手抓跳舞雞」$48，如此類推，隨雞送上膠手套任用，方便食客豪氣地用手撕來吃。
這隻棟篤雞 size 不算超大，皮脆與肉嫩卻也有做到，撕開雞脾，蠻多肉汁，就算雞胸的部份也不覺得乾，我地食咗三隻啊。
其他肉類就比較一般，「涼瓜炒牛肉」$78，牛肉下了非常多鬆肉粉，煞風景。
無影到相的「黑椒薯仔牛柳粒」$88，烏卒卒，黑漆漆。
有顏色卻完全無味的「海參花菇鵝掌煲」$88，食落感覺好奇怪。
反高潮地，全晚最精采的是「鮮拆蟹粉扒豆苗」$98，新鮮熱辣一大盤上桌，豆苗走油後甚嫩，蟹粉該是自己拆，因為我吃到有蟹殼！也沒打緊，味鮮，蟹肉也多，我個人覺得幾得，一碟起碼夠四至六人用，比起其他小菜，抵吃啊。
其實這裏的蔬菜類做得唔錯，沒有拍照的「薑汁炒芥蘭」$52 爽綠清翠，冷盤「涼拌高山耳」$22，又平味道又醒胃。
轉戰海鮮類，屬於比較貴價的項目，質素又差了。「蒜蓉粉絲蒸帶子」$264 / 打，帶子殼好大，帶子肉好細，聊勝於無：
「果皮蒸鮑魚仔」$216 / 打，完全可以 skip，我吃的那隻苦的，質地又像擦子膠。。。
西蘭花賣哂，轉了西芹，「西芹象拔蚌蝦球」$98，象拔蚌只有可憐的數小條，隨時眼大睇過龍。。。還是西芹好吃。
在街坊酒樓當然對「粟米斑塊」$88，沒有什麼特別期望，就是厚如棉胎的粉包魚柳去炸，再落些粟米罐頭湯做獻汁，就是這樣。如果「鮮拆蟹粉扒豆苗」只是賣 $98，這個粟米斑塊就相當不值吃。
另外還叫了「櫻花蝦帶子炒飯」$88，「泡椒鳳爪」$25 等，全場不收開瓶費，適合自攜酒水的朋友，侍應服務也相當熱情，下次來吃飯不妨可叫「蟹粉豆苗」同埋「手抓跳舞雞」。
「稻香粵之味」
地址：西營盤皇后大道西2-12號聯發商業中心2樓
電話：2815 1088
營業時間：星期一至日 07:00-00:00