又來分享一下之前拍攝的趣事，今天不如講下上個月替「經濟日報」拍的《焗豬扒飯擂台戰》。
每間快餐店，都有它的強項，我每次幫襯通常都是擇強而吃，例如大快活我會吃阿活咖哩，美心快餐會吃小炒，意粉及燒味，大家樂就會是一哥豬扒飯。做人最緊要知道優點與弱點，吃飯也是一樣，錢要花得其所嘛。
今次拍的主題是焗豬扒飯，正中下懷，熟悉我的朋友都知道我很喜歡吃焗的東東。
來到拍攝場地，和記者 chit chat 一輪，就有三盒焗豬扒飯在我面前，事前是不知屬於那間快餐店的出品，主要是為了公平地去評審。
點知一食就食得出邊盒是大家樂啦！因為平時食慣啊 XDDD 記者都嘖嘖稱奇，相我有食開啦。。。半肥瘦豬扒厚切，番茄與芝士份量剛好，我和記者都不約而同給了最高分。
另外因為標題的重點是選最抵吃，記者也很認真地替豬扒磅重。。。
至於我的私藏心水焗豬扒飯推介，有旺角「新廣南餐室」(相關舊文) 配菠蘿冰，同大圍的「漢年茶餐廳」。
大家又有邊間心水推介呢？
