此突不同彼特。
(圖文不附)
人有三急，若果你行行吓街，突然間「大急」要辦大事，咁梗係即刻去搵廁所解決啦。而家街上面未必會有公廁，有亦都可能相當污糟，要成個「八月十五」坐晒落個廁所板實在需要點勇氣。。。咁有咩方法「突事突辦」呢？？？
1. 搵間食肆幫襯，叫杯凍飲，然後借廁所用。
這個似乎是最就手的方法，咁最緊要幫襯食肆啦，公平啲嘛。我記得有一次間餐廳個馬桶不是座廁，而是痞廁，即刻唔係幾識用。。。
2. 去商場廁所。
這個應該也相當 common 吧？！若果在沒有防礙殘障人士的情況下，通常殘廁比較濶落，「辦大事」的時候亦可能冇咁尷尬嘅。大家各自衡量當時情況啦。。。
3. 去酒店大堂借廁所一用。
借個方便，好處是比較乾淨，同埋通常有音樂聽，什麼古典樂啊、貝多芬之類。唔知點解，辦大事的時候如果有音樂陪襯，遮住啲「聲音」，感覺會冇咁尷尬，有冇人有同感？最好播 Rock and Roll 大大聲，或者超高音的「沒結過」，咁就乜人都聽唔到你啲聲啦。
純吹水。下次再吹過第二樣。