一連三日的「泰國潑水節」(Songkran)，今日正式開鑼！這節日在當地大受歡迎，因為泰國習俗，潑水是把過去一年的不順洗去，同時為新一年帶來好運，所以大家非常樂意展開水戰，瘋狂潑水。我有朋友去過當地過「潑水節」，評語是非常好玩！
之前睇報紙好似𡃁模「仙樂都」提議搞「九龍城潑水節」，令香港多一個特色。
曼谷出名多美食，尖沙咀麼地有間泰國餐廳與曼谷那間號稱「全泰國最好的餐廳」Nara Thai 同名。餐廳有露台及酒吧，環境亦算舒服
「生蝦刺身」$128
食泰菜，當然要來一客生蝦刺身。平常的一般會忽略頭部，這裡炸了蝦頭，一蝦兩食，生蝦夠爽口。醬汁也做得不錯，酸辣醒胃，可說是全餐飯的高潮。。。
「泰式拼盤」$118，吃了半舊炸蝦餅，鬆脆度還可以。
「沙嗲串燒」$75 / 半打，豬雞雙拼起相飛，焦香有肉汁，推！
「泰式炒金邊粉」$85，呢個味道就一般般。作為有名的泰菜，泰式炒金邊粉並非自古已有，它的出現原來可以追遡到戰爭時期，泰國米糧緊張，所以便推廣這款粉食，配上泰式調味料，一直紅到今日。所以紅，有時也要講無心插柳。
「鹹魚炒芥蘭」$78，鑊氣是很玄的東西，像鹹魚炒芥蘭，除了調味，一定要快炒過足鑊氣才好吃，所以在家中甚難做到這種效果。這菜還是出街吃好。
最後再整多個「即焗蒜蓉包」$52
吃過這一餐，還是很想去曼谷。下一年的泰國潑水節，有冇人有興趣一齊去？
「Nara Thai Restaurant & Bar」
地址︰尖沙咀麼地道75號南洋中心地下
電話︰2332 2238