合作企劃
如何提升你的網站效益

2016年4月23日星期六

2016-04-23 週末吹吹水:$50蚊 食到乜?


隨意起的


平日我通常是出街吃飯,如果返屋企就盡量自己煮簡單的,有時又未必有時間或唔想食千篇一律的外賣,所以就周圍貢下乜都食咁啦,都唔係餐餐好嘢。




一個人食飯 $50 budget,可以食到好多類型嘢嘅,老麥又得,大記快餐又得。當然,好唔好食同想唔想食,又係另一個課題。好不幸,今日講的都是唔好的,咳咳。。。



「八方雲集」,大家應該好熟悉啦,本人覺得佢啲牛肉麵唔係特別好食,可惜我屋企住得比較遠,又唔想食商場「大食代」,要食碗熱湯麵呀,咁就要落街行20分鐘到街市附近搵佢。

講真,$48 一碗麵唔可以話平,主要是午餐充飢。有時啲牛肉炆得好韌,那兩舊大如番薯的蘿蔔礙眼,總是令人大惑不解。。。我又唔係兔仔,可唔可以切細舊啲呢?!?!



服務員阿姐態度又不見得好,問佢可唔可以加多些少鹹菜,佢就好晦氣咁答:「得!加錢咪得囉!」,轉頭就走左去。嗯,加錢唔係問題,咁你都要話我知係加幾錢要嗰幾粒皇恩浩蕩的鹹菜先得架。

有時個別人士服務態度差,不是新鮮事,何用少見多怪。。。反觀隔離的「包點先生」,整個團隊的阿姐都很忙碌,服務卻十分有禮,會笑容滿面同主動問你要唔要加醬汁,抵讚。希望有關方面可以實地檢查一下,下次不如我做一個實驗俾大家睇,真人騷直擊服務的分別!來這裏,都係外賣韭菜餃比較好。



第二間是尖沙咀的什麼「靚靚」,吃煎釀三寶魚蛋燒賣串燒的小食。



隔離有一檔是賣海膽手卷日本店,大排長龍:




唔想排,咁我就轉去「靚靚」要了一串普通炸魚蛋,一串牛肉及一串烤什麼黑毛豬肉 (嗱,佢話係黑毛豬咋,我食唔出,同埋係佢 sell 我)。冇乜留意價錢,埋單三串嘢用八達通嘟,$58 ! 好貴。Sorry 今時今日 $50 係食唔到三串街邊野。







炸魚蛋是凍的,嗰兩串串燒又唔夠熱就俾人客食,價錢其次,不過貼錢買難受,好難食的一頓晚飯,唉。



第三間是銅鑼灣的「麵館皇」,好耐之前食過一次,上次好似係排骨麵,湯底是用藥材煲的,講真個湯底正常。餸菜方面自由配搭,我見佢話自己咖喱牛腩好聞名,咁就要了碗咖喱牛腩麵 $52。





一見到分開上的擺盤同埋又係藥材湯底就知道是個錯誤的選擇,咖喱牛腩好似一 pat 漿糊,完全同上海藥材湯麵錯配,請問應該點食呢?應該將啲漿糊㗎喱倒入去藥材湯裏面撈來吃?!?!唔識食。

半放棄狀態,停手。轉戰叫了個冷盤醉雞 $60 代替頂肚,不算太入味,肉質還好,我諗佢致命傷是溫度不夠凍,屬室溫狀態,食落去好怪,好似擺咗喺室外好耐咁,有啲想反胃 tim。又停埋手。



鬼唔知去靚靚酒店,高尚食府會食到好嘢,一分錢一分貨等價交換,好正常。做人始終不能堅離地,如果發掘到平靚正的就皆大歡喜啦。



冇食過難食的,又點會珍惜及分辨到好食的呢?舌頭的味覺是累積訓練下來,咁慶幸自己有過這些 $50 嘅。

是日吹水完畢。。。


「八方雲集」
地址:東涌富東商場18至19號地下
電話:2560 9133

「靚靚不一樣的車仔麵」
地址:尖沙咀科學館道新文華中心地下22至23號舖
電話:2369 1029

「麵館皇」
地址 : 銅鑼灣登籠街32號地下
電話 : 2575 8884




若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...