世間煩惱事何止十萬九千七，你有我有，真係唔使列出來。近排的確比較煩，都是些私事及家裏的事，多謝朋友們的問候 (不是感情事，今天這個點是空白的，大家不用重複又重複地問，拜托！！！)
吃些自己喜歡的食物，對心情鬱悶確是有幫助，這些可以歸類為「治療系」食物。食粒朱古力，食件海膽壽司。
我的治療系代表好平，就係街邊燒賣同埋腸粉。快樂可以好簡單？！從呢個角度睇，都冇話唔啱嘅。
「齋腸粉」$10，腸粉我淨係鍾意食齋腸，白雪雪乜都冇，自家製嗰啲，然後自己加甜醬辣醬芝麻醬。
究竟係食醬定係食腸粉？冇所謂啦，有啲嘢都分唔得咁清楚。
「碎牛粥」$17 (唔使加皮蛋) 都係我鍾意食的點子，睇住伯伯將生牛肉炸米粉放在碗底：
加上粥底、花生、蔥花，自己整爛啲牛肉：
冇味精好緊要。旺角有某間粥鋪，啲味精多到爆燈，怕怕。
嗯，最後加句食評。碎牛粥算幾足料，$17 都扺食，粥底就太杰，可以稀番些少。腸粉就唔得，質地唔夠軟熟，可能係一早整起而夜晚賣剩。期望下次早啲來，會吃到新鮮的啦。
「新發粥店」
地址：銅鑼灣堅拿道西10號地下C舖
電話：2573 1206