記得十幾年前，算初出茅蘆，在灣仔附近返工。有時為了慳錢，中午食個包或者篤十蚊腸粉就一餐，「腸粉皇」可算留過不少回憶。
舖頭是沒有堂食的那種，一係外賣，一係同一大班人齊齊捧著碟腸粉企喺到食。$10 腸粉滑嘟嘟，有米香，甜醬麻醬辣醬也下得很大方，滿足啊，就總是不夠飽。
現在不是經常路過灣仔，想吃腸粉就要行去屋企附近街市，來回都要行半粒鐘。「最好味」，店名有點「娘」，藏身在街巿內，現在閒時也會心思思去買一盒來吃。
都是 $10 腸粉，加埋魚蛋燒賣之類，一盒 $21。腸粉亦算滑，喜歡它的麻醬夠濃稠，眼見也很受街坊們歡迎。
最唔掂的 $10 腸粉該是便利店的吧？！醬像奶水一樣稀，失去重點；來貨腸粉乾膠膠，以為食緊擦字膠。。。
腸粉雖不算很有營養，醬也肥，卻令人有心癮常常想來一個，$10 可以換來快樂。本土情懷，我選它。
「腸粉皇」
地址︰灣仔克街7-11號地下
電話：從缺
「最好味」
地址︰大嶼山東涌街市F39舖
電話：從缺