合作企劃

2016年3月1日星期二

2016-03-01金話莓系列 (六) 食好西?


《金話莓系列》重出漿糊。。。有時好食寫吓,唔好食又寫吓啦。好不幸,這篇是後者。



多謝坤哥,令「食好西」變成 2016 潮語。星期五晚,辛苦左成個禮拜,都想食返餐好西慰勞一下自己。這晚三位飲食爛腳,就落腳尖沙咀。


餐廳樓高三層,外型設計 stylish,而且有食友對它評價不錯。食物主打是吃西班牙小吃,另外有其他西菜。



Tapas 拼盤可以選三款、六款或者九款,隨你喜歡,我們選了六款 $138。上枱時,每款食物是用小膠碟 (類似豉油碟) 盛載,只先來了四碟,放在枱上就如泡菜一樣,我開頭還以為是送的小吃,原來是我們點的 Tapas。。。

每款食物的分量偏少。不過我的理念是如果好吃,份量問題也不是最重要,最多是-少吃多滋味;反而不好吃的話,你比成座山我任食都無用啦。講到尾,食物味道最緊要。




好,排番靚佢影相。最遠的 Mortadella pistaccio 就是平時超市買來夾麵包的火腿,一吃就吃得出,我家裡都是吃這個牌子啊喂。出街食呢d無話唔得嘅,無謂咗d。Parmigiano -Reggiano, Honey,帕馬森芝士及蜜糖聽起上來不錯,而事實亦真的是將切好芝士放在一篤蜜糖旁邊,菜名那個","用得好好,擺盤可以好一點?!Home made salmon gravlax 薄薄三小片,大家都覺得非常非常腥,奇怪。講真咁難食,你俾三小片我仲好,無謂浪費食物。蒜片蝦幾粒,還好。

後上的 Tuna mi-cut / Clams in shell with garlic。吞拿魚兩塊,味如嚼蠟;蒜片蜆叫做最正常。


Pastas-Scampi $128 及 Le Coquelet de ferme roti aux herbes de Provence $148


兩個都不好吃,夾埋影一張相算喇。意粉明顯煮得太冧,而且太淡。焗雞算是法式煮法 ? 醃得不入味,肉很乾,與西環小店「Fish and Chick」(相關舊文) 差九條街。全晚唯一好吃的是伴燒雞的薯蓉,因為落咗黑松露油,薯蓉也夠滑。

我本人沒有叫飲品,因為怕再賴嘢,寧願之後轉場吃甜品。呢餐「食好西」,查實係真西,定係第二啲西?!下次來柯士甸路這條「韓國街」,還是吃韓國菜比較穩陣。


「Scarlett Cafe & Wine Bar」
地址︰尖沙咀柯士甸路2號地舖
電話︰3565 65131


若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...