合作企劃

2014年6月27日星期五

2014-06-27 聊逛街市的三十分鐘


話說上星期日去了街市配鎖匙,原來而家配條匙要$75一條,都幾貴!仲要鄙人等三十分鐘先有得攞。。。




Well,三十分鐘橫豎沒有事幹,那就在街市周圍逛逛找吃甚麼的。



說真我都好耐冇認真地行過街市,一來我甚少買餸,就算要買多數會去較近的超市,對上一次來街市買餸已經是在一年前來買咖喱粉及肉蟹煮給茜利妹吃。其實星期日中午的街市都挺熱鬧,同埋幾熱。。。首先我見到有間豆腐鋪,凍豆漿$5杯,立即整番杯來消消暑:




我很喜歡這些傳統鋪頭做的豆漿,真的是豆味濃郁化不開,好似在食液體豆腐份子料理,又唔會太甜,仲要只是賣$5,抵抵抵!



轉彎見到有間小食店,店裏面的大嬸密密地在炸煎釀三寶,$10三件,見到大姨在落力推銷,那又來一串好了。



三粒我全部要晒炸魚蛋,走豉油甜醬,魚蛋非常大粒,我咁大個口都一啖食唔晒一粒。其實我見其他賣煎釀三寶的鋪頭的魚蛋都愈來愈大粒,這是現在的趨勢嗎?!魚蛋算彈牙,但食完之後非常飽,頂住個胃,完全可以唔使食中午飯。。。

仲有十五分鐘剩,點好?一定要去睇睇在街市出哂名的韓國食店啦,都算是街知巷聞。






去到我先發現,原來韓國泡菜都賣得幾貴。本來我想買辣泡菜,索價 $60 一份,這是市價嗎?我也不太清楚,但直覺就覺得不太值,加上又好鬼飽,望完一輪都係乜都冇買,混吉走人。。。



三十分鐘過去,攞住鎖匙走人,總結這餐中午飯共用了$15,免加一,還附送熱情的招待及街坊街里的人情味,相信這就是街市可愛的地方。




若你喜歡此部落格,也請你 like 一 like,感激!
Related Posts Plugin for WordPress, Blogger...