龍少爺 : 2013-01-19 一篇「企鵝雞」的自白....

2013年1月19日星期六

企鵝雞：「嗚嗚。。。人做難，我哋做雞，點解我地做得咁陰公？？」

「人哋有得做靚靚貴妃雞，滑滑白切雞，點解我地要好似十八層地獄抅利根咁嘅 pose 嘅？」

「其實我哋都好皮脆肉滑，只賣$168，侍應大哥將我哋赤裸凌遲咁剪好一件件，無陰公呀。嗚。。。」

手抓乳豬件：「雞雞，我都唔係好得你好多，幾個月大就俾人拎去燒，個舖士仲無你咁靚女啦，真係打直入廚房，打橫行翻出嚟。。。」

啫啫芥蘭：「我做顆菜都唔係好你哋好多，要俾人加蝦醬生啫，香噴噴熱辣咁原鍋上碟！」

企鵝雞：「咁你被人生啫又真係陰公啲既。。。」

芥蘭：「嗚。。。」

家鄉煎藕餅：「咁多個之中，好似我最優待喎。切成片後釀入鯪魚肉煎香，又彈牙又爽口，人人食過都讚好！」

最後「七味茄子」同「瑤柱蛋白炒飯」也走來搭傘：「係呀係呀，我哋都唔差㗎， Yeaaah !」

龍少爺 (冷靜 mode)：「好喇各位唔好嘈喇，樣樣都好味啦。是日四人晚餐，埋單共六百元。」

「小杬公菜館」

地址 : 上環干諾道中133號誠信大廈1樓

電話 : 2511 5566

若你喜歡此部落格，也請你 like 一 like，感激！