合作企劃

2012年11月28日星期三

2012-11-28 當年今日 - 這位 V 煞女星是誰?


話說上星期無聊睇 TVB 台慶,驚見「V 煞女」兵團又多添一位新成員,仲以為見到關心妍定宮雪花,有圖有真相:




大家估唔估到佢係邊位?!

答案:陳美詩 (另付舊年台慶玉照一張)



首先,本少爺不知道陳小姐為何一夜間容貌上會出現如此大的變化,猶如老了十歲,唔知佢男朋友孫耀威仲認唔認得佢呢?

雖則追求靚是無止境,但鄙人覺得整容是用來幫醜女變靚女,而不是幫靚女毀容。有時亂添加一堆,真係唔整好過整。。。

早前到了「海港燒鵝大皇」晚飯,先賞到了一味正正常常的「貴妃雞」,雞肉無添加,滑滑溜溜好鬼正。


再點了碟「一蚊辣子雞」,撞鬼,調味亂咁加,又辣又無味,同樣都係唔整好過整!就咁$1雞就完全摧毀了隻雞的美味花容喇。


一場來到,無理由唔叫碟「海港燒鵝皇」,另加一碟「叉燒皇」,集齊兩條 King。




燒鵝好吃,皮不脆,肉卻不鞋。叉燒放涼了,任你如何稱「皇」,都難以力挽狂瀾。

兩味送酒小吃「蜜餞雞翼」,「話梅豬手」,像是小朋友餸同阿婆餸的配搭。豬手比較對胃口,原來朕的口味已升格了做阿婆,希望沒有變米雪啦。



「蝦乾醬爆皇帝菜」


重口味之選,一上桌已香氣撲鼻,夠哂鑊氣,這道好吃!

「酥炸生蠔」


蚊子大小的生蠔,炸粉與蠔肉的比例直達1:1的景界。。。其實用來煎蛋好過啦。

「三杯雞煲」


又是雞,今次味道比辣子雞正常得多。

最後追加了「冬菇雜菜煲」,「牛柳干燒伊麵」,「福建炒飯」。




唔知下年TVB 台慶又有乜驚喜呢?話時話,點解亞視今年有三個台慶嘅?上禮拜見到亞視又做台慶 show,仲以為係重播㖭。。。


「海港燒鵝海鮮酒家」
地址 : 上水中心購物商場2樓2092舖
電話 : 2673 1223 

伸延閲讀:2012-01-29 當年今日 - 姣佘奪穎


若你喜歡此部落格,也請你 like 一 like,感激!
Related Posts Plugin for WordPress, Blogger...
合作企劃