2011-04-24 3D 豬肉圃團 - 第二回

潮文繼續。

承上集，豬小姐終於抵擋不住酬勞的誘惑，接拍了首部以豬為題材的 3D III 鉅製。

豬小姐面紅地問：「導演，我 ready 架喇。。。請問要點露法？邊個係我對手？」

燒定一：「首先，你會有兩場爆肺場面；一場同花膠做對手，另一場同杏汁，大戰三小時至水乳交融。」

豬小姐 (吃驚)：「下...?! 」

燒定一：「再黎兩場濕身下海，你要露潤同豬小肚，與烏東大戰。」

豬小姐：「又露內臟...?! 」

燒定一 (興奮)：「最後一場你會大爆炸而死，攞你啲蝴蝶腩同生腸黎白灼。。。」

豬小姐 (疑惑)：「乜呢部唔係 III 鉅製黎架咩？點解我場場都係血腥鏡頭，成部「維多利亞一號」咁嘅 ?!」

燒定一：「啅頭黎架姐！我會放風話你露全相，騙觀眾入場，包保票房過千五萬 !!!」

豬小姐：「好橋喎！重可以移花接木露假點。。。」

本文絕無影射。如有雷同，實屬巧合。