2011-04-07 3D 豬肉圃團

潮文一篇。

豬小姐問：「導演，我身材珠圓玉潤，尤其上圍的豬柳位有36D，非常豐滿，啱哂做主角。。。點先可以一炮而紅？」

燒定一：「日本口味有 market ，做日式炸豬扒啦！幫你改埋藝名做「豬扒紡子 」(日文：豚カツ) ，掂硬。」

豬小姐：「咁要點做架？」

燒定一：「做日式吉列豬扒，通常會選用好似你咁厚身豐滿及略帶肥邊近肋骨的豬柳位，略醃後撲上麵包糠及炸粉油炸，最後切成小塊。出色的炸豬扒最緊要皮脆肉軟有肉汁，好以銅鑼灣駱克道某日式食店咁。當然，同你做對手戲的亦不可太「岩岩蠶蠶」，同新鮮棷菜絲沙律做對手就最陰陽調和。」

豬小姐面紅地問：「唔。。。其實我唔介意作全身上陣，我 ok 架。上鏡靚就得架喇。」

燒定一：「咁一係做中式乳豬啦，一於幫你改埋藝名做「香港乳(豬)神」。靚乳豬最緊要係全身芝麻皮，好以中環街市對面某燒味鋪咁就做到皮脆肉薄唔肥，紅透中環，街知巷聞又唔貴。」

豬小姐說：「Well。。。其實我對美腿都好靚。仲有無啲酬勞高啲又唔使咁重口味架？」

燒定一 (煩躁)：「咁你行鬼妹路線做風乾火腿，叫你做「Paris 豬滕」喇。靚火腿要用上乘黑毛豬腿，風乾足36個月咁就為之very good。」

豬小姐：「吓，我唔係黑毛架喎，仲要搞咁耐，我接受唔到囉。。。」

燒定一：「頂！#%?$@?!!...」

「3D 豬肉圃團」開拍無期。。。