合作企劃

2016年7月5日星期二

2016-07-06 在家附近常吃的一間餐廳


東涌好吃的餐廳選擇真係唔係好多,一般人來到,肚餓時最大路就是走向「大食代」。。。咁大家知我多數係在外食飯,作為地膽,除了之前介紹過的一些小食,如想食得好一點,其實還有一個秘密花園。住宅區裡穿過一片叢林,便可在隱閉之處找到,像森林中的餐廳- Zentral Garden,在香港算比較少見吧?!其實幾年前拍有線「為食情報局」,我已經介紹過它 (相關舊文)。




平日放工返到樓下都會喺呢度食埋飯先返屋企。餐廳環境舒服,它露天室外座位算是一大特色,具後花園式優閑感覺,貼切餐廳名字,而且可以帶動物坐外花園,啱晒東涌養狗的街坊,和狗狗一起放鬆下。



晚上的 Zentro Garden,室外範圍會開了顆顆燈泡。通常諗唔到食咩我就會叫「白酒煮蜆扁意粉」,這意粉做得好,蜆肉份量多,味鮮無沙,烹煮過程中加了白酒及蒜蓉提鮮,豐富了意粉整體味道。


如果唔係太肚餓,我就會叫「白酒煮蜆」skip 意粉,邊吃邊用手機 wifi 看電視,飲番杯威士忌,自得其樂。


「厚切炸薯條」,其實小弟唔係幾鍾意食 wedges,還是偏心脆口幼薯條,所以每次都會叫廚師起碼炸燶啲。



唔太肚餓的日子也會叫 party 類食物,「炸雞翼」卜卜脆:



餐廳除了提供西式菜,印度風的也有提供。另一款我經常 encore 的就是 Chicken Tikka,雞用鐵板熱辣上枱,外表橙色像叉燒,雞肉已去骨,帶焦香,啖啖肉﹐再配薄荷醬或檸檬汁等調味,減去油膩感。


餐廳的位置可以説是極度十分非常難找。。。若果有心人想來的話,可以揸車,或者喺東涌地鐵站落車,穿過東薈城商場的盡頭向 Pacific Coffee 方向行,行去住宅區「影岸紅」G/F,會見到有間 Market Place by Jasons 超市,再過馬路行五分鐘就會見到 (最好問一問人方向,因為都要行得幾遠)。

或者簡單一句,用 Google Map !


「Zentro Garden」
地址︰東涌海濱路8號地下
電話︰2802 8000
營業時間︰星期一至五:12:00-02:00; 星期六,日及公眾假期:09:00-02:00




若你喜歡此部落格,也請你 like 一 like,感激!
Related Posts Plugin for WordPress, Blogger...